1 Aprelin acı şəkəri

1 Aprelin acı şəkəri
1 aprel 2015
# 10:08

1 Aprel–Ümumdünya gülüş günüdür. Avropa və Asiyanın bir çox ölkələrində “Zarafat günü” kimi qeyd olunur. Bir-birini aldatmaq müxtəlif hadisələrlə bağlıdır. Adətin kökü qədim Romaya -2000 il əvvələ gedib çıxır. Bu bayramı bəzi hallarda “Ağılsızlar günü” də adlandırıblar. Deyilənə görə, bir çox ölkələrdə ildə bir dəfə -aprelin 1-də - “İtaətsizlik” bayramı keçirilirdi. Həmin gün adamlar öz hökmdarlarını lağa qoyar, gündəlik davranışlarını poza bilərdilər. Bu öz yerində. Gələk günümüzə. Görək, Azərbaycanda bu bayrama necə yanaşırlar, insanlar hansı münasibətdə zarafat edirlər?

Zarafat, gülmək yaxşıdır, lakin yerində və həddində. Bəzən yersiz zarafatlar insanı qəzəbləndirir, ona həyəcan yaşadır. İllər keçsə belə, gülüş günündə olan hadisəni hiddətlə xatırlayırlar. Yaxından tanıdığım xanımın bir neçə il bundan qabaq başına gəlmiş əhvalatı qısaca danışmaq istəyirəm..

Xarici şirkətdə çalışan bu xanımın iş yerində nizam-intizam o qədər güclü idi ki, xeyir-şərə icazə almaq belə müşkülə çevrilirdi. Mobil ünsiyyət olmadığından, o yaxın adamlarla ev telefonu ilə əlaqə saxlayırdı. Müxtəsər, həmin bu başıbəlalı bir aprel günü yaxın rəfiqələrdən ikisi xanıma zəng edib deyirlər ki, filan küçədə məktəbli qızların dayanıb səni gözləyirlər. Ana müdriyyətdən icazəsiz- filansız özünü başılovlu deyilən ünvana çatdırır. Bir-iki saat əsəbi, gərgin halda övladlarını gözləsə də, uşaqlardan xəbər-ətər çıxmır. Vurnuxa-vurnuxa qalan ana düz üç saat küçədə girinc olub qalır. Nəhayət, gərgin və gözüyaşlı evinə dönür. Uşaqlarının evdə olduğunu görən qadın əsəbindən dəlilik həddinə çatır. Əsl tamaşa bundan sonra başlayır. Ona zəng edən xanımlardan qisas almaq üçün, o da öz növbəsində hiyləyə əl atır. Cani - dildən ağlayaraq, hamilə olan yaxın rəfiqənin yol keçərkən, maşın vurduğunu söyləyir. Bax, belə...

Yaxud, keçən ilin söhbətidi. Səhər tezdən oğul təngənəfəs evə girib çox böyük təşvişlə, maşınının qarət olunduğunu, sənədlərin və pulun aparıldığını bildirir. Deyilənə həyat yoldaşı o qədər əhəmiyyət verməsə də, yaşlı ana bu xəbərdən sarsılır, taqətsiz halda stula çökərək hönkürtüylə ağlamağa başlayır. Bu sarsıntıdan ana tezliklə şəkər xəstəliyinə tutulur.

Sözümün canı: elə zarafat edin ki, sonra peşman olmayasız.

# 1493 dəfə oxunub

Oxşar xəbərlər

“Əsrlərin sədasında xalça sehri” sərgilənəcək

“Əsrlərin sədasında xalça sehri” sərgilənəcək

18:30 19 avqust 2025
Ceyk Qaylenhal və Kevin Kostner eyni layihədə

Ceyk Qaylenhal və Kevin Kostner eyni layihədə

18:20 19 avqust 2025
Şair Məmməd İsmayıl vəfat etdi

Şair Məmməd İsmayıl vəfat etdi

16:10 19 avqust 2025
Narkozdakı qadının çılpaq videosunu paylaşan “həkim” rüsvayçılığı - “Dost” Estetik Mərkəzindən xəstəyə düşmən münasibət

Narkozdakı qadının çılpaq videosunu paylaşan “həkim” rüsvayçılığı - “Dost” Estetik Mərkəzindən xəstəyə düşmən münasibət

15:54 19 avqust 2025
Rəsulzadənin istinad etdiyi, "sənət həyat üçündür" prinsipinə əməl edən  şair - Onun əsərləri niyə  qadağan edilmişdi?

Rəsulzadənin istinad etdiyi, "sənət həyat üçündür" prinsipinə əməl edən şair - Onun əsərləri niyə qadağan edilmişdi?

15:10 19 avqust 2025
"Sunday Times”ın  “yolundan çıxmış saf pornoqrafiya” adlandırdığı roman - "Lolita"nın çap  macəraları...

"Sunday Times”ın “yolundan çıxmış saf pornoqrafiya” adlandırdığı roman - "Lolita"nın çap macəraları...

15:00 19 avqust 2025
#
#
Ana səhifə Yazarlar Bütün xəbərlər