Kulis.az Həmid Herisçinin dünən təyyarə qəzasında həlak olan türk hərbçilərin xatirəsinə həsr etdiyi "İz gedir Azərbaycan Tarixi Muzeyinə" şeirini təqdim edir.
İstəyirsənsə, biləsən kim?
Nə?
Hansı laməkan qüvvə...
Gir əvvəlcə
öz köhnə şalvarının cibinə,
get dərinə...
nəsə dəyəcək əlinə...
Ordadı
bütün lal sualların cavabı!
siqaretin, ümidin son qullabı...
Gənc Verterin iztirabı!
Aşıq bilincə bu sirri,
Götürəcək mizrabı...
pulunu istəyəcək, saathesabı!
Bir az da getsəm, aşağı,
ordan
çıxacaq usaqlığının ilk silahı...
Su tapancası!
O sənlə danışacaq
Şifahı!
Dəyəcək necə, hansı gecə,
bu tapançadan atəş açdın əvvəlcə,
bir sovet zabitinə...
cürətlənincə,
girişdin küçə itinə,
lap axırda atəş açdın bir dünya gözəlinə...
Bir az da getsən, dərinə...
İz aparacaq səni,
Öz-özünə
Azərbaycan Tarixi Muzeyinə,
qalın şüsəli bir vitrinə...
Azıx mağarasından tapılmış çənə,
bu ilk tarixi nümunə,
Məxsusdu elə adamyeyənə!!!
Davam edir
qədim ənənə.
inan, bu gizli cinayət
Zəncirinə!
Həlak olanların əziz xatirəsinə...
Məhmədciyə...
Mərsiyə,
1991- çi il Qarakənd də, 2024-də Aktauda
eyni qara qüvvədi,
Eyni görünməz güvə.
Eyni güllə...
Hələ
Çox canlar yeyəcək
Bu muzeydəki çənə...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
