Almaniyada yaşayan azərbaycanlı yazıçı Əzimə Ağalarovanın səkkizinci kitabı - “Bir qadının anatomiyası” əsəri Türkiyədə çapdan çıxıb.

Kulis.az xəbər verir ki, əsərdə etibar, güvən kimi dəyərlərin çətin sınaqlar qarşısında qaldığı dövrdə güclü qadın xarakterinin üzləşdiyi çətinliklərdən və onların öhdəsindən gəlmək üçün ortaya qoyulan mübarizədən bəhs olunur.

Qeyd edək ki, 32 ildir Almaniyada yaşayan yazıçının bundan əvvəl “Gecələrdə gizli qaldım”, “Bakıdan Qahirəyə və Stokholma uzanan yol”, “Təyyarə qanadında uçan ruh”, “Tükənmiş xəyalların izində”, “Ağlayan divar” və digər əsərləri çapdan çıxıb. Onun əsərləri dörd dildə üç ölkədə çap olunub. “Bakıdan Qahirəyə və Stokholma uzanan yol” romanı 2016-cı ildə İsveçdə ingilis dilində, 2019-cu ildə isə isveç dilində nəşr edilib. “Tükənmiş xəyalların izində” əsəri isə Türkiyədə çapdan çıxıb.

• "Cəmiyyətdə danabaşlaşma halları çoxalmağa başlayıb"
• Rəhman Rəhmanov: "Dedilər ki, heç nə eləyə bilmirik, iki saat sonra öləcək"
• Səni niyə belə sevdim? - Vaqif Bayatlı

• "Cəmiyyətdə danabaşlaşma halları çoxalmağa başlayıb"
• Rəhman Rəhmanov: "Dedilər ki, heç nə eləyə bilmirik, iki saat sonra öləcək"
• Səni niyə belə sevdim? - Vaqif Bayatlı