Azərbaycan Dövlət Uşaq Filarmoniyası direktoruna yeni müavin təyin edilib.

Kulis.az xəbər verir ki, mədəniyyət naziri Adil Kərimlinin müvafiq əmri ilə xormeyster, sənətşünaslıq üzrə fəlsəfə doktoru Leyla Muradzadə bu vəzifəyə təyinat alıb.

Leyla Muradzadə Bülbül adına Orta İxtisas Musiqi Məktəbində təhsil alıb. 2008-ci ildə adı Azərbaycan Respublikası Prezidentinin müvafiq sərəncamı ilə gənc istedadların “Qızıl kitabı”na daxil edilib.

• Keçmiş nazir: "Miri Yusif və Röyaya qulaq asıram" - Müsahibə
• “Körük” jurnalı yenidən nəşr olundu
• O niyə ölümündən bir ay sonra dəfn edilmişdi? - Həyat yoldaşıyla qızı arasında qalan dahi azərbaycanlı

O, Bakı Musiqi Akademiyasında xor dirijorluğu üzrə bakalavr və magistratura pillələrini fərqlənmə diplomları ilə bitirib. 2023-cü ildə “Azərbaycan a capella xor musiqisində muğamın təcəssümü (1990-cı illərə qədər)” mövzusunda sənətşünaslıq üzrə fəlsəfə doktorluğu dissertasiyası müdafiə edib.

Qeyd edə ki, Leyla Muradzadə ölkəmizdə uşaq və gənclərdən ibarət ilk xor musiqi albomunun müəllifidir.

• Keçmiş nazir: "Miri Yusif və Röyaya qulaq asıram" - Müsahibə
• “Körük” jurnalı yenidən nəşr olundu
• O niyə ölümündən bir ay sonra dəfn edilmişdi? - Həyat yoldaşıyla qızı arasında qalan dahi azərbaycanlı