Bolqarıstanda baharın gəlişi ilə əlaqədar "Baba Marta" günləri başlayır.

Kulis.az-ın məlumatına görə, "Baba Marta" Bolqarıstana xas olan qədim ənənədir.

"Baba Marta" günlərində baharın gəlişini qeyd etmək üçün "martenitsa" və ya "marteniçka" adlanan ağ və qırmızı yundan hazırlanmış qolbaqlardan istifadə olunur. Bu günlərdə bolqarlar qohumlarına və dostlarına martenitsa qolbaqlarını hədiyyə verib onlara il boyu sağlamlıq və güc diləyirlər. Ənənəyə görə, martenitsalar qaranquş və ya leylək görənə qədər taxılır.

Ənənəvi olaraq küçə satıcılarından martenitsa alan insanlar martın ilk günlərində onları qohumlarının, dostlarının yaxasına, boynuna və ya biləyinə bağlayır, onlara sağlam və xoşbəxt bahar arzulayırlar. Martın 1-də taxılan bilərzik, leylək görünməsə, martın 31-də çıxarılır və arzu olunarsa, növbəti ilə qədər saxlanılır.

Martenitsa hansı biləyə taxılır?

Martenitsa, adətən, sol biləyə taxılır. Çünki sol tərəf ürəyə daha yaxındır və onun uğur, sağlamlıq və xoşbəxtlik gətirdiyinə inanılır. Bununla belə, bəzi insanlar onu sağ biləyinə və ya boynuna da taxa bilər.

Qolbağın hekayəsi.

Rəvayətə görə, uzun illər əvvəl bir padşah səfərə gedir. Vaxt keçir, kraliçanın ümidini itirdiyi anda nəhayət, padşahın göyərçini vasitəsilə göndərdiyi qırmızı və ağ sapdan ibarət "xəbər" alır. Mesajı başa düşə bilməyən kraliça onun mənasını ancaq padşah qayıdandan sonra öyrənir. Məlum olur ki, padşah müharibədə ağır yaralanıb, lakin sülh əldə edildikdən sonra sağalıb.

Ona görə də martenitsadakı qırmızı sapın sağlamlığı, ağ sapın isə sülhü simvolizə etdiyi güman edilir.

• "Od qalar köz olar, qız qalar söz olar..." - Filmləri dillər əzbəri olan görkəmli kinorejissor
• Azərbaycanlı rejissorun filmi “TÜRKSOY xüsusi mükafatı”na layiq görüldü
• "Təbrizə bilet almalıyam, mən qayıtmalıyam!" - Həmid Herisçinin yeni şeirləri