Türkiyənin Kayseri şəhərinin İncəsu ərazisində 1836-cı ildə inşa edilən tarixi Müqəddəs Evstafiy Yunan Kilsəsi bərpa işlərindən sonra "İncəsu Şəhər Muzeyi" kimi qapılarını ziyarətçilərə açmağa hazırlaşır.
Kulis.az xəbər verir ki, divar rəsmləri, fraqmentar freskaları və Karamanlı türkcəsində yazılmış yazıları ilə diqqət çəkən bu tarixi abidənin Kapadokiyanın ümumi turizm marşrutuna daxil edilməsi nəzərdə tutulur.
Kayseri Böyükşəhər Bələdiyyəsi tərəfindən həyata keçirilən bərpa prosesi zamanı binanın orijinal memarlıq quruluşu qorunub, divarlardakı sis qatı təmizlənərək altındakı nadir freskalar və yunan əlifbası ilə yazılmış Türkcə mətnlər konservasiya olunub.
1923-cü ildəki əhali mübadiləsinə qədər ibadətgah kimi istifadə edilən, sonrakı illərdə isə hərbi anbar, teatr və peşə məktəbi kimi fəaliyyət göstərən kilsə bundan sonra İncəsunun zəngin tarixini, mədəni irsini və qastronomiyasını sərgiləyən muzey funksiyasını daşıyacaq.
Qeyd edək ki, ekspedisiya işlərinin 80 faizdən çoxu tamamlanan obyektin yaxın vaxtlarda istifadəyə verilməsi gözlənilir.
Türkiyədəki yunan kilsəsi muzey kimi fəaliyyət göstərəcək
Oxşar xəbərlər
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"
15:26
21 noyabr 2026
Azərbaycan dünyanın ən böyük nağıl festivalında
15:10
21 noyabr 2026
"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi
12:41
21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger
12:30
21 noyabr 2026
Emir Kusturitsa: "Putinlə söhbət mənim üçün böyük yaradıcılıq ilhamı oldu"
11:57
21 noyabr 2026
Xalq rəssamının oğlu vəfat etdi
11:27
21 noyabr 2026