Türkiyənin Manisa şəhərində yerləşən Sardes antik şəhərində aparılan qazıntılar zamanı təxminən 2500 illik mərmər cavan oğlan heykəli tapılıb.
Kulis.az xəbər verir ki, bu barədə Türkiyənin Mədəniyyət və Turizm naziri Mehmet Nuri Ersoy məlumat yayıb.
Nazir 2,2 metr hündürlüyündəki heykəlin yüksək səviyyədə qorunub saxlanması və detalları ilə dövrün heykəltaraşlıq sənətinin nadir nümunələrindən biri olduğunu bildirib.
Roma dövründə sütunlu küçənin döşəməsində yenidən istifadə edilən heykəlin üzüaşağı yerləşdirilməsi onun əsrlər boyu zədələnmədən bu günə çatmasına şərait yaradıb.
Əsərdəki qeyri-adi geyim detalları Lidiya mədəniyyətinin izlərini daşıyır, fiqurun əlində tutduğu meyvə isə antik Sardes şəhərinin inanc dünyası və mədəniyyəti haqqında mühüm məlumatlar verir.
Qeyd edək ki, elmi araşdırma və bərpa işləri başa çatdıqdan sonra heykəl Manisa Muzeyində nümayiş olunacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
