Hollivud ulduzu Tom Kruz rejissor Alexandro Qonsales İnyarritunun çəkdiyi "Digger" filminin ilk treylerindəki gözlənilməz görünüşü ilə pərəstişkarlarını heyrətə salıb.
Kulis.az xəbər verir ki, bu barədə "Independent" nəşri məlumat yayıb.
Filmdə neft maqnatı Digger Rokvell obrazını canlandıran 64 yaşlı aktyor tamamilə fərqli bir ampluada tamaşaçı qarşısına çıxacaq. Qrim vasitəsilə aktyorun üz cizgiləri dəyişdirilib, saçları isə ağardılıb. Bundan əlavə, Tom Kruz treylerdə qeyri-adi bədən quruluşu ilə diqqət çəkib – o, indiyə qədərki rollarına nisbətən xeyli kök görünür.
"Bu, mənim üçün görünməmiş bir sınaq oldu"
Kruz bildirib ki, "Digger" layihəsi onun əvvəllər üzərində çalışdığı bütün ekran işlərindən köklü şəkildə fərqlənir. Aktyorun sözlərinə görə, bu rol ona indiyədək karyerasında heç vaxt qarşılaşmadığı qədər böyük çətinlik yaradıb.
Filmin süjetinə gəldikdə isə hekayə dünyanın ən qüdrətli adamının bəşəriyyəti məhz özünün yaratdığı dəhşətli ekoloji fəlakətdən xilas etmək üçün çıxdığı təhlükəli missiyadan bəhs edir.
İddialı ekran işinin ulduz heyətində Tom Kruzla yanaşı aşağıdakı məşhur aktyorlar da yer alıb:
Cessi Plemons
Con Qudman
Riz Əhməd
Emma Darsi
Sandra Hüller
Maykl Stulbarq
Trampdan kömək istəməmək üçün kosmosdan imtina etdi
Qeyd edək ki, 2025-ci ilin dekabrında Tom Kruz siyasi mülahizələrə görə açıq kosmosda film çəkmək ideyasından imtina etmişdi. "Page Six" nəşrinin məlumatına görə, aktyorun bu addımı atmasına səbəb çəkilişlərin təşkili ilə bağlı ABŞ prezidenti Donald Trampdan kömək istəmək niyyətində olmaması idi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər