İspaniya Ali Məhkəməsi vergi fırıldaqçılığı işi üzrə kolumbiyalı dünyaşöhrətli müğənni Şakiraya bəraət verib.
Kulis.az xəbər verir ki, bu barədə müvafiq məhkəmə sənədinə istinadən "Reuters" agentliyi məlumat yayıb.
70 milyona yaxın vəsait geri qaytarılacaq
Məhkəmə ulduza bəraət qazandıraraq İspaniya Maliyyə Nazirliyinin ona 69,8 milyon dollardan çox məbləği (ödədiyi cərimələr və faizlər şəklində) geri qaytarmasına dair qərar çıxarıb.
Sənətçi 2012-2014-cü illər ərzində İspaniya dövlət xəzinəsinə 14,5 milyon avro həcmində vergi ödəməkdən yayınmaqda ittiham olunurdu.
Səkkiz illik həbs təhlükəsi və məhkəmə ilə razılaşma
2022-ci ilin yayında İspaniya prokurorluğu Şakiranın səkkiz il iki ay müddətinə azadlıqdan məhrum edilməsini, eləcə də vergiləri ödəmədiyi üçün ondan əlavə olaraq 23 milyon avro məbləğində cərimə tutulmasını tələb etmişdi. İfaçı isə öz növbəsində İspaniya hökuməti qarşısında heç bir ödənilməmiş borcunun olmadığını və qanunları pozmadığını israrla iddia edirdi.
Bütün bunlara baxmayaraq, 2023-cü ildə Şakira məhkəmə proseslərindən və həbsxana təhlükəsindən qurtulmaq üçün dövlətlə razılaşmaya getmiş və 15 milyon dollar ödəmişdi. Ali Məhkəmənin bugünkü qərarı isə illərdir davam edən səs-küylü prosesə müğənninin xeyrinə son qoyub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
