Pərviz Cəbrayılın hekayəsi və şeirləri məşhur jurnalda çap olunub.

Müəllifin Kulis.aza verdiyi xəbərə görə, onun "Qətl sınan gecə" hekayəsi və beş şeiri Almaniyada tanınan "Bawülon" ədəbiyyat və sənət jurnalında dərc olunub.

Pərviz Cəbrayıl çap olunmaq tarixçəsini də danışıb:

“Almaniyada yaşayan, Almaniya Yazıçılar Birliyinin üzvü Vüqar Dəmirbəyli məndən hekayə və şeirlərimi istəmişdi. Mən də göndərdim. O da bu mətnləri tərcümə etdi, onları adını unutduğum bir alman yazıçı redaktə etdi, sonra Vüqar bəy onları Almaniyanın bir sıra jurnallarına göndərdi. Bu, hardasa 3-4 il bundan qabaq olmuşdu. Bu gün səhər bu xəbəri aldım. Vüqar bəyə təşəkkür edirəm. Ancaq ona görə yox ki, mənim Almaniyada tanınmış bir jurnalda nəşr olunmağıma vasitəçi olub, heç bir maddi və mənəvi qarşılıq ummadan çapıma nail olub. Məni həmişə narahat edən bir şey vardı: ermənilərdən, başqa millətlərdən fərqli olaraq xaricdə yaşayan heç bir azərbaycanlı sənət adamı öz həmvətəninə bu məsələdə kömək etmir. Edirlərsə də, pulsuz heç nə etməzlər. Ancaq bu, mənimçün inanılmaz fakt oldu. Görünür, arabir möcüzəyə də inanmağa dəyər. Nə deyim, hər halda mənimçün xoş xəbərdi. Bu, xarici ölkədə ikinci çapımdı. Əvvəl İran, indi də Almaniya. Hər kəsə uğur olsun”.

• “Boradigah tarixi qaynaqlarda” kitabı çap olundu
• Bir nəslin həyatını alt-üst edənlər kimlərdir? - Rəvan Cavid
• "Əyləndiyi adamları xüsusi “işgəncə” ilə öldürməkdən zövq alırdı" - Romanın ən əxlaqsız imperatoru kim idi?