“Günay” uşaq teatrı “Arşın mal alan” tamaşasını nümayiş etdirib

“Günay” uşaq teatrı “Arşın mal alan” tamaşasını nümayiş etdirib
11 dekabr 2025
# 11:00

“Günay” uşaq teatrının yaradıcı studiyası Azərbaycan Milli İncəsənət Muzeyində dahi Azərbaycan bəstəkarı Üzeyir Hacıbəylinin “Arşın mal alan” musiqili komediyasını nümayiş etdirib.

Kulis.az xəbər verir ki, tamaşa Üzeyir Hacıbəylinin anadan olmasının 140 illiyi münasibətilə səhnələşdirilib.

Əvvəlcə çıxış edən “Günay” uşaq teatrının bədii rəhbəri və baş rejissoru Larisa Tarusova Milli Muzeyin səhnəsində çıxış imkanı yaratdıqlarına görə muzey rəhbərliyinə minnətdarlığını bildirib. O qeyd edib ki, müxtəlif repertuarlarla yanaşı “Günay” uşaq teatrında, xüsusilə vətənpərvərlik mövzusu mühüm yer tutur və kollektiv uzun illərdir Üzeyir Hacıbəylinin yaradıcılığına xüsusi diqqət ayırır.

O xatırladıb ki, teatr 15 ildir “Arşın mal alan” tamaşasını müxtəlif nəsillərdən olan uşaqların iştirakı ilə təqdim edir və bununla da böyük milli mədəniyyəti onlara sevdirir.

Rejissorun sözlərinə görə, yeni aktyor heyəti ilə uzun və zəhmət tələb edən bir hazırlıq prosesi keçirilib və bu tamaşanın məhz uşaqlar tərəfindən sevilməsi onun üçün xüsusilə dəyərlidir. Cəmi 8 əsas rolun olmasına baxmayaraq, çoxlu sayda uşaqlar tamaşada iştirak etmək üçün müraciət edir, mətni əvvəlcədən öyrənir və hazırlıq prosesinə qoşulmağa can atırlar.

Tamaşada Tuncay Həmidli, Əzizə Məhərrəmova, Oktay Xudiyev, Manisa Bağırova, Alesya Aksyonova, Marqarita Fadeyeva və digər gənc ifaçılar yer alıb.

Tamaşanın rejissoru və bədii tərtibatçısı Larisa Tarusovadır.

Qeyd edək ki, “Günay” teatr-studiyası uzun illərdir qazandığı nüfuzu qoruyub saxlayır və çoxsaylı beynəlxalq və respublika teatr müsabiqələrinin laureatı kimi tanınır.

# 1728 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər