Kulis.az dünyanın ən məşhur kitab sərgilərinin siyahısını təqdim edir.

1. Frankfurt Kitab Sərgisi (Frankfurter Buchmesse)

Frankfurt Kitab Sərgisi, dünyanın ən böyük və ən önəmli kitab sərgilərindən biridir. Hər il Almaniyanın Frankfurt şəhərində keçirilir və qlobal nəşriyyat sənayesi üçün mərkəz rolunu oynayır.

Frankfurt Kitab Sərgisi 600 ildən çox tarixə malikdir. Alman ixtiraçı Yohan Qutenberq tarixdə ilk dəfə metal lövhələrin köməyi ilə kitab çapı üsulunu tətbiq edib. 1440-cı il kitab çapının ixtirası ili hesab olunur. Bu ixtiradan təxminən on beş il sonra, 1454-cü ildə yerli kitab satıcıları Frankfurtda ilk kitab sərgisi təşkil etdilər. Bu dövrə qədər Frankfurt əlyazmaların satış məkanı hesab edilirdi. İlk sərgidə isə artıq çap kitabları diqqət mərkəzində idi.

Bu sərgi dünyanın hər yerindən minlərlə naşir, ədəbi agent, yazar və media nümayəndəsini cəlb edərək kitabların, media məhsullarının və rəqəmsal kontentin hüquqlarının mübadiləsi üçün bir platforma yaradır.

2. London Kitab Sərgisi (London Book Fair)

London Kitab Sərgisi dünyanın ən vacib beynəlxalq kitab sərgilərindən biridir. Bu sərgi nəşriyyat sənayesinin müxtəlif sahələrindən peşəkarları cəlb edir və kitabların, e-kitabların, rəqəmsal medianın və müəllif hüquqlarının mübadiləsi üçün qlobal mərkəz rolunu oynayır.

Sərgi 1971-ci ildən keçirilir.

3. Beynəlxalq Buenos Aires Kitab Sərgisi

Beynəlxalq Buenos Aires Kitab Sərgisi Latın Amerikasının və dünyanın ən böyük və ən əsas kitab sərgilərindən biridir. Hər il Argentinanın paytaxtı Buenos Airesdə keçirilir və geniş miqyasda ədəbi və mədəni tədbirlərə ev sahibliyi edir. Bu sərgi yalnız nəşriyyat sənayesinin peşəkarlarını deyil, həm də kitabsevərləri, yazıçıları və ədəbiyyat həvəskarlarını bir yerə toplayır.

Sərgi 1975-ci ildən keçirilir.

4. Amerika Kitab Sərgisi (BookExpo America)

Amerika Kitab Sərgisi ABŞ-nin və Şimali Amerikanın ən böyük kitab sərgilərindən biridir. Nəşriyyat sənayesi üçün mühüm bir tədbir olan bu sərgi hər il kitab naşirlərini, ədəbi agentləri, yazıçıları və kitabsevərləri bir yerə yığır. BEA, əsasən, nəşriyyat sahəsindəki peşəkarlar üçün nəzərdə tutulub, lakin müəyyən günlərdə ictimaiyyət üçün də açıq olur.

Sərgi 1995-ci ildən keçirilir.

5. Beynəlxalq Qahirə Kitab Sərgisi

Beynəlxalq Qahirə Kitab Sərgisi Ərəb dünyasının və Afrikanın ən böyük və ən qədim kitab sərgilərindən biridir. Hər il Misirin paytaxtı Qahirədə keçirilən bu sərgi ərəb dünyasının ən mühüm mədəniyyət tədbirlərindən hesab olunur və beynəlxalq səviyyədə böyük əhəmiyyət kəsb edir. Minlərlə kitabsevər, naşir, yazıçı və mədəniyyət xadimi bu sərgiyə qatılaraq nəşriyyat sahəsindəki yenilikləri və mədəni müzakirələri izləyir.

İlk dəfə 1969-cu ildə keçirilib və tarixi Qahirə şəhərinin əsasının qoyulmasının 1000 illiyinə həsr olunub.

6. Şarja Beynəlxalq Kitab Sərgisi

Şarja Beynəlxalq Kitab Sərgisi Birləşmiş Ərəb Əmirliklərinin Şarja şəhərində keçirilir və İslam dünyasının ən böyük kitab sərgilərindən biri hesab olunur. Bu sərgi hər il minlərlə naşir, yazar, ədəbi agent, tərcüməçi və kitabsevəri bir yerə toplayır. Sərgi ədəbiyyatın, mədəniyyətin və təhsilin təşviqinə xidmət edir.

Sərgi ilk dəfə 1982-ci ildə BƏƏ Ali Şurasının üzvü və Şarja əmirliyinin rəhbəri Şeyx Sultan Bin Məhəmməd əl-Qasiminin təklifi və himayəsi altında təşkil edilib.

7. Pekin Beynəlxalq Kitab Sərgisi (Beijing International Book Fair)

Pekin Beynəlxalq Kitab Sərgisi Asiyanın ən əhəmiyyətli kitab sərgilərindən biridir və hər il Çinin paytaxtı Pekində keçirilir. Bu sərgidə beynəlxalq nəşriyyat sənayesinin peşəkarları iştirak edir və kitabları, müəllif hüquqlarını və mədəniyyət mübadilələrini müzakirə eləyir.

Sərgi 1986-cı ildən keçirlir.

• Elgiz Əkbər: "Əməkdar artist ildə 2 dəfə psixiatrik xəstəxanada müalicə alır"
• Türk Dünyası Gənc Yazarlarının I Bakı forumu keçirildi
• ADU-da “Payızın ortası” – Çin bayramı qeyd olunub