Kulis.az Səhər Əhmədin yeni şeirini təqdim edir.

Heç bilmirəm, payızın neçənci yağışıydı,
Heç bilmirəm, oyunun neçənci dəqiqəsi.
Deyəsən, qol vurdular, sevinc səsləri coşdu,
Kimisə məyus etdi, kiminsə təntənəsi.

Həmişə belə olur, gedənlər udub gedər,
Qalanlara vətən də özgə meydançasıdı.
Qalanlar gedənlərin arxasınca su atar,
Gedənlər qalanları sadəcə atıb gedər.

• Ərinin qisasını övladından alan ana - Vüqar Vanın romanı haqqında
• "Çubakka"nın tüfəngi rekord qiymətə satıldı
• Ercan Saatçi saxlanıldı

Qatarlar, təyyarələr, gəmilər bəxtiyardı,
Perronlar, duracaqlar, limanlar darmadağın.
Uçub gedir yuvadan sarıdimdik balalar,
Havalar bəxtiyardı, yuvalar darmadağın.

...Heç bilmirəm ömrümün neçənci payızıydı...

“Ədəbiyyat” qəzeti

• Ərinin qisasını övladından alan ana - Vüqar Vanın romanı haqqında
• "Çubakka"nın tüfəngi rekord qiymətə satıldı
• Ercan Saatçi saxlanıldı