“Çingiz Aytmatov və UNESCO: Dünyanı birləşdirən ortaq irs” - Beynəlxalq konfrans

“Çingiz Aytmatov və UNESCO: Dünyanı birləşdirən ortaq irs”  - Beynəlxalq konfrans
20 sentyabr 2025
# 10:30

Parisdə UNESCO-nun mənzil qərargahında “Çingiz Aytmatov və UNESCO: Dünyanı birləşdirən ortaq irs” adlı beynəlxalq konfrans keçirilib.

Kulis.az xəbər verir ki, konfrans Qırğızıstanın UNESCO-da Daimi Nümayəndəliyinin təşəbbüsü, TÜRKSOY və Ankarada yerləşən Çingiz Aytmatov İnstitutunun əməkdaşlığı ilə baş tutub. Konfrans böyük qırğız yazıçısı və mütəfəkkiri Çingiz Aytmatovun dünya mədəni irsinə verdiyi töhfələri çoxşaxəli şəkildə təqdim edib.

Tədbirdə TÜRKSOY-un Baş katibi Sultan Raev, UNESCO Baş direktorunun müavini Ernesto Ottone, AMEA-nın prezidenti İsa Həbibbəyli, Qırğızıstanın, Azərbaycanın, Türkiyənin, Qazaxıstanın, Özbəkistanın, Türkmənistanın UNESCO yanında daimi nümayəndələri Sadık Şer-Niyaz, Elman Abdullayev, Gülnur Aybet, Askar Abdrakhmanov, Kamol Muxtarov, Maksat Çariyev və UNESCO-ya üzv dövlətlərin diplomatları, alimlər, ədəbiyyatçılar və mədəniyyət nümayəndələri iştirak ediblər.

Konfransın açılışında çıxış edən TÜRKSOY Baş katibi Sultan Raev bildirib ki, Aytmatovun əsərləri yalnız Qırğız ədəbiyyatının deyil, bütün türk dünyasının və insanlığın ortaq yaddaşında xüsusi yer tutur. “Çingiz Aytmatov xalqlar arasında körpü quran böyük bir humanistdir. O, qələmi ilə yalnız qırğız çöllərinin səsini dünyaya çatdırmayıb, eyni zamanda insan ləyaqəti, təbiət, sülh və yaddaş kimi ümumbəşəri dəyərləri ədəbiyyat vasitəsilə insanlığa bəxş edib. “Manqurt” anlayışı ilə isə kollektiv yaddaşını və kimliyini itirən cəmiyyətlərə güclü bir xəbərdarlıq ünvanlayıb. TÜRKSOY-un missiyası da ortaq mədəniyyətimizi qoruyaraq gələcək nəsillərə ötürməkdir”, -deyə S. Raev diqqətə çatdırıb.

UNESCO Baş direktorunun müavini Ernesto Ottone Aytmatovun əsərlərinin ümumbəşəri sülh və dialoq ideallarına verdiyi töhfəyə diqqət çəkib. “UNESCO-nun mədəniyyətlərarası anlaşma və sülh vizyonu, Aytmatovun insan və təbiətə duyduğu dərin hörmətlə tam uzlaşır. Onun qələmi fərqli mədəniyyətlərin bir-birini anlamağı üçün bənzərsiz körpü yaradıb”,-deyə E. Ottone Aytmatovun bəşəriyyətə verdiyi töhfələrdən söz açıb.

Azərbaycan Milli Elmlər Akademiyasının prezidenti İsa Həbibbəyli çıxışında Aytmatovun türk dünyası ədəbiyyatındakı aparıcı roluna toxunaraq onun yalnız qırğız ədəbiyyatının deyil, bütün türk dünyasının ədəbi şüurunu dərinləşdirən və onu ümumbəşəri səviyyəyə yüksəldən nadir yazıçılardan olduğunu vurğulayıb.

Tədbirdə çıxış edən Çingiz Aytmatovun oğlu Eldar atasının mirasının bu gün də gənc nəsillər üçün ilham mənbəyi olduğunu bildirib.

“Atam hər zaman insanın insana, insanın təbiətə və insanın öz keçmişinə qarşı məsuliyyətini önə çəkirdi. Bu mesajlar, bu gün yaşadığımız qlobal böhranlar fonunda daha da əhəmiyyətlidir”, - deyə E. Aytmatov atasının əsərlərinin ideyalarının bu gün də aktual olduğunu deyib.

Qeyd edək ki, Parisdə keçirilən bu konfrans Çingiz Aytmatovun ədəbi və fəlsəfi irsinin beynəlxalq mədəni dialoqun inkişafında və bəşəriyyətin ortaq dəyərlərinin qorunmasında daşıdığı misilsiz əhəmiyyəti bir daha nümayiş etdirib.

# 1528 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər