Britaniyada azərbaycanlı hərbi əsir haqqında film çəkildi

Britaniyada azərbaycanlı hərbi əsir haqqında film çəkildi
24 fevral 2022
# 09:50

Böyük Britaniyanın “Broken Pot Media” şirkətinin istehsalı olan “Oğul” sənədli araşdırma filminin təqdimatı olacaq.

Mədəniyyət Nazirliyindən APA-ya verilən xəbərə görə, film 1992-ci ildə Dağlıq Qarabağ münaqişəsi zamanı itkin düşən hərbi əsir Natiq Qasımovun axtarışından bəhs edir.

Filmin rejissoru və ssenari müəllifi Karan Sinq üç il ərzində Ermənistan, Azərbaycan, İtaliya, Böyük Britaniya və Rusiyada şahidlərlə danışıb. Natiq Qasımov erməni zabitləri tərəfindən dindirilən zaman italyan müharibə fotoqrafı Enriko Sarsini də orada olub. Filmdə fotoqrafın müsahibəsi də yer alır. 30 ilə yaxın vaxt keçməsinə baxmayaraq, ana oğlunun sağ olduğuna və qayıdacağına inanır.

Filmin görüntü rejissoru Simon Stanforddur. 46 dəqiqəlik filmdə faktın bərpası üçün azərbaycanlı aktyorların ifasından da istifadə olunub.

Filmin təqdimatı fevralın 28-də Nizami Kino Mərkəzində baş tutacaq. Təqdimatda yaradıcı heyətlə birlikdə Natiq Qasımovun ailəsi də iştirak edəcək.

Qeyd edək ki, Natiq Qasımov Birinci Qarabağ müharibəsi zamanı beş gün təkbaşına mühasirədə qalaraq ermənilərə müqavimət göstərib. O, yalnız ermənilər onu təslim olmasa, 22 Xocalı sakinini öldürəcəkləri ilə təhdid etdikdən sonra silahı ataraq, sığındığı alban kilsəsindən çıxır, lakin son ana qədər əlindəki Azərbaycan bayrağını ermənilərə vermir.

# 2363 dəfə oxunub

Oxşar xəbərlər

Möylə Mirzəliyev vəfat etdi

Möylə Mirzəliyev vəfat etdi

12:40 28 aprel 2025
Oskar mükafatlı aktyorun ölüm səbəbi məlum oldu

Oskar mükafatlı aktyorun ölüm səbəbi məlum oldu

12:38 28 aprel 2025
Məmməd Orucun "Köçürülmə"si - Təqdimat

Məmməd Orucun "Köçürülmə"si - Təqdimat

12:18 28 aprel 2025
Gənc musiqiçilərimiz Berlində

Gənc musiqiçilərimiz Berlində

12:10 28 aprel 2025
Barselonada 500 illik gəmi tapıldı

Barselonada 500 illik gəmi tapıldı

11:10 28 aprel 2025
Azərbaycanlı professorun kitabı Kembricdə

Azərbaycanlı professorun kitabı Kembricdə

10:40 28 aprel 2025
# # #