Bizdə Səməd, Bəxtiyar, onlarda Markes - Yekə-yekə danışmaqla deyil...

Bizdə Səməd, Bəxtiyar, onlarda Markes - Yekə-yekə danışmaqla deyil...
13 fevral 2025
# 12:52

Kulis.az Şərif Ağayarın Bəxtiyar Vahabzadənin Səməd Vurğunla bağlı xatirəsi haqqında yazısını təqdim edir.

"Ana dilim" şeiri "Kommunist" qəzetində necə çap olundu?

Səhifələrin birində Xalq şairi Bəxtiyar Vahabzadənin Səməd Vurğunla bağlı bir xatirəsini oxudum. Xəstə yatan vaxtı Bəxtiyar müəllim ona “Ana dilim” adlı yeni yazdığı şeirini göstərir, deyir, çap eləmirlər. Səməd Vurğun şeiri oxuyur və balaca bir epiqraf yazır:

“Biz Vətənimizi, millətimizi və dilimizi sevirik!” V.İ.Lenin"

Bundan sonra şeir "Kommunist" qəzetində çap olunur.

Təsəvvür edirəm, Bəxtiyar müəllim bu söhbəti sağlığında hansı pafosla danışırmış və ətrafındakı adamlar “Puah!!!” deyib necə başını bulayırmış.

And içirəm, o adamların bəzilərinin, hətta Xudu Məmmədov kimi ayıq birinin gözlərinin necə dolduğunu da çox aydınca görürəm.

Hətta sovetin şil-küt edib bambılı günə saldığı şərq müdrikliyinin Rəmişin gitarası kimi necə kişnədiyini də eşidirəm.

Əntiqədir!

Demək, vəziyyətdə üç tərəf var: müəllif, Lenin və oxucu...

Üçünü də aldadıblar e!

Müəllifi də, Lenini də, oxucunu da!

Bəxtiyar Vahabzadənin ilham mənbəyi

Və şübhəsiz, alicənab “Kommunist” qəzeti öz ideologiyasının ayaqlarını yuyan bu bənzərsiz möhtəkirliyi lazımınca qiymətləndirib.

Mən bu balaca epiqrafla Bəxtiyar Vahabzadənin sonrakı – hər dövrə aid ayrıca mədhiyyə şeirlərinin və poemalarının ilham mənbəyini də kəşf etdim.

Və düşünməyə bilmədim: əcəba Səməd Vurğundan cəmi beş-altı yaş böyük olan və başqa bir müstəmləkə ölkəsində yaşayan Xorxe Borxes həmin vaxt öz gənc tələbələrinə nə öyrədirdi?

Əlbəttə, Folknerin, Coysun, Prustun roman sənətkarlığını...

Ona görə, bizdə “Leninlə söhbət” poeması yazıldı, onlarda “Yüz ilin tənhalığı”.

Ona görə Borxesdən sonra Kortasar, Lyosa, Markes yetişdi, Səməd Vurğundan sonra Nəriman Həsənzadə, Fikrət Qoca, Seyran Səxavət...

Ona görə, kolumbiyalı yaşıdım Xuan Qabriel Vaskes ortabab bir romanla dünyanı gəzdi, mən heç Tiflisə gedib çıxa bilmədim.

Elə bilirsiniz asandı?

Üç-dörd nəfər istisna olunmaqla əl atıb yapışmalı sağlam bir budağımız yoxdur...

Tarixdə də, indi də.

Yekə-yekə danışmaqla deyil...

# 2445 dəfə oxunub

Oxşar xəbərlər

Qızıl Qoza Film Festivalına müraciətlər başladı

Qızıl Qoza Film Festivalına müraciətlər başladı

13:15 1 iyul 2025
"Bunu hansısa hərdəmxəyal uydurub" - Cəlil Cavanşir

"Bunu hansısa hərdəmxəyal uydurub" - Cəlil Cavanşir

13:00 1 iyul 2025
Lady Qaqa milyarderdən 6 milyon dollar tələb edib?

Lady Qaqa milyarderdən 6 milyon dollar tələb edib?

12:40 1 iyul 2025
"Onsuz da imtahan vermirik ki, özüm əleyhinə danışaram"- Samir Mirzə

"Onsuz da imtahan vermirik ki, özüm əleyhinə danışaram"- Samir Mirzə

12:33 1 iyul 2025
Rusiya və ruslar bizdən nə istəyir? - Baş verənlərin pərdəarxası

Rusiya və ruslar bizdən nə istəyir? - Baş verənlərin pərdəarxası

12:00 1 iyul 2025
Yeni “Möcüzə Qadın”  gəlir...

Yeni “Möcüzə Qadın” gəlir...

12:00 1 iyul 2025
#
#
# # #