Belçika meydanı nəhəng çiçək mozaikasına büründü

Belçika meydanı nəhəng çiçək mozaikasına büründü
17 avqust 2026
# 14:30

Belçikanın paytaxtı Brüssel şəhərindəki məşhur Grand Palas meydanı Yaponiyanın ikonik incəsənətindən ilhamlanan 24-cü "Gül xalçası" festivalı çərçivəsində rəngarəng çiçək mozaikasına bürünüb.

Kulis.az xəbər verir ki, builki kompozisiya yapon rəssamı Katsuşika Hokusainin 200 illik məşhur "Kanaqavada böyük dalğa" ağac üzərində həkk olunmuş qravürasının yenidən işlənmiş versiyasıdır.

Əsərin dizaynı yapon rəssam Hiro Suqiyamaya məxsusdur.

70 metr uzunluğunda və 24 metr enində olan nəhəng xalçanın hazırlanmasında 100-dən çox könüllü iştirak edib.

Kompozisiyanın yaradılmasında Belçikanın rəmzi sayılan daliyalar (xristian gülü) başda olmaqla 700 mindən çox canlı gül, beqoniya, ot və ağac qabıqlarından istifadə olunub.

Suqiyama 16 rəngdən ibarət palitradan istifadə edərək 8 ay ərzində bu dizayn üzərində çalışıb.

Tədbir Belçika ilə Yaponiya arasında diplomatik əlaqələrin 160 illiyinə həsr olunub.

Təşkilatçıların bildirdiyinə görə, bu layihə sadəcə incəsənət əsəri deyil, həm də iki fərqli mədəniyyəti bir araya gətirən mühüm simvoldur.

1971-ci ildən bəri hər iki ildən bir keçirilən ənənəvi "Gül xalçası" tədbiri avqustun 13-dən 16-dək ziyarətçilər üçün açıq olub.

Qonaqlar xalçanı yaxından izləməklə yanaşı, Brüssel Meriyasının balkonundan da bu mənzərəni seyr edə biliblər.

# 709 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Ana səhifə Reels Yazarlar Xəbərlər