Macarıstanın paytaxtı Budapeştdə ənənəvi olaraq təşkil edilən 39-cu Beynəlxalq Xalq Yaradıcılığı Festivalı (Mesterségek Ünnepe) keçirilir.
Kulis.az xəbər verir ki, Macarıstanın ən böyük mədəniyyət bayramlarından hesab olunan bu günlərdə macarlar ölkənin Milli Günü — Müqəddəs İştvan (İstvan) gününü qeyd etməyə hazırlaşırlar.
Bu il festivalın fəxri qonağı Azərbaycandır.
Ölkəmiz festivalda üç stendlə təmsil olunur. Burada Azərbaycan xalq sənətinin müxtəlif nümunələri təqdim edilir: Azərbaycan xalçaçılıq sənəti, vəloqçuluq (yun, keçə sənəti), tikmə və nadir naxış sənəti — təkəlduz (yalnız sol əllə işlənən xüsusi toxuma texnikası), kəlağayı sənəti (ipək baş örtüyü), xətəmkarlıq (mikro mozaika ilə birlikdə).
Festivalda dünyanın müxtəlif ölkələrindən təxminən 800-dən çox sənətkar iştirak edir.
Hər il olduğu kimi, bu dəfə də tədbirə 100 mindən artıq ziyarətçinin gələcəyi gözlənilir. Festival boyu ustad dərsləri, canlı sənət nümunələrinin nümayişi, milli musiqi və rəqs proqramları keçiriləcək.
Bu iştirak Azərbaycanla Macarıstan arasında mədəni əlaqələrin möhkəmlənməsinə xidmət edir və xalqlarımızın zəngin irsini beynəlxalq miqyasda tanıtmaq baxımından mühüm əhəmiyyət daşıyır.
Qeyd edək ki, festival avqustun 20-dək davam edəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
