“İlhamlanmaq və kopyalamağı qarışıq salmasınlar. Mən də "Əqrəb mövsümü"nü yazanda 10-larla film, seriallara baxmışam ki, bu tərzdə, rəngdə olsun. Amma bir-bir eynisini etməmişəm”.

Kulis.az xəbər verir ki, bu sözləri aktyor Azər Aydəmir "Düzünə qalsa" proqramında deyib.

Aktyor bildirib ki, ona "təhsilsiz aktyor" damğasını vurmağa çalışıblar: “Cəhd edirdilər. Məni tanıdan bir sıra film, seriallar oldu. Əlbəttə ki, yaradıcılıq intriqalarla doludur. Yeni-yeni tanınmağa başlayanda mənim qulağıma gəlib çatdı. Yaşlı nəslin nümayəndələri, o cümlədən həmkarlarım təhsilsizliyi bilavasitə silah kimi istifadə edirdilər mənə qarşı. Hər uğurumda deyirdilər ki, əşi bura kimi...Əşi burada da bəxti gətirdi... Mənə inanmırdılar. O dövr gəldi ki, prodüser kimi onları çəkirəm. 18-19 yaşımdan, tək, dostlarımın əhatəsində böyüyürəm. Kino sektoru və televiziyamızda inam çatmır, maddiyyatla heç bir əlaqəsi yoxdur. Xarici seriallara, telekanallara baxırıq. İçimizdə o inam itib ki, daha yaxşısını edə bilərik. Düşünürük ki, bunun nüsxəsini edə bilərəm və edir də. Nəticədə "mutant" həm tanış, həm yaxın, eyni zamanda da iyrənc, tükləri biz-biz saxlayan, əttökən bir şey alınır...Çünki o seriallar, verilişlər, xəbərlər kopyalamağa çalışır. Nə tutubsa, onu edirik".

• Cahit Berkaydan etiraf: "Onu sevirdim"
• Dünyanın ən gözəl qadını öldü
• Geylər niyə sürətlə çoxalır?