Alla Puqaçova məhkəmədə qalib gəldi

Alla Puqaçova məhkəmədə qalib gəldi
6 iyun 2026
# 10:08

Rusiyada Moskvanın Presnensk rayon məhkəməsi Federal Korrupsiya ilə Mübarizə və Təhlükəsizlik Layihəsinin (FPBK) rəhbəri Vitali Borodinin müğənni Alla Puqaçovaya qarşı şərəf, ləyaqət və işgüzar nüfuzun müdafiəsi ilə bağlı iddiasını tam şəkildə rədd edib.

Kulis.az Lent.az-a istinadən xəbər verir ki, bu barədə müğənninin maraqlarını təmsil edən hüquqşünaslar meduza.io-ya bildiriblər.

İddianın səbəbi Puqaçovanın jurnalist Katerina Qordeyeva ilə 2025-ci ilin sentyabrında "YouTube"da yayımlanan müsahibəsi olub. Borodinin fikrincə, müsahibənin 8 saniyəlik hissəsi onun şərəf və ləyaqətini ləkələyir. Həmin hissədə Puqaçova deyir: "Borodin, hazır ol! "Donos"çular və satqınlar, diqqətli olun!"

Borodin müğənnidən təkzib, beş milyon rubl (təxminən 115 330 manat - red.) məbləğində kompensasiya və videonun silinməsini tələb edib.

Müğənninin vəkili bildirib ki, iddia "şifahi replikanın təhrif olunmuş yazılı fiksasiyası" üzərində qurulub.

"Hesab edirik ki, "donosçular və satqınlar" sözləri birbaşa Borodinə yönəlməyib. Ona qarşı yalnız "Borodin, hazır ol" ifadəsi səsləndirilib - bunu linqvist ekspertlər də təsdiqləyib. Bundan başqa, bu, onun dövlət orqanlarına etdiyi çoxsaylı müraciətlərlə bağlı faktlara əsaslanan tənqidi qiymətləndirmədir. Borodin özü də bu barədə dəfələrlə açıq şəkildə danışıb", - deyə müğənninin nümayəndələri bildiriblər.

Məhkəmədə Borodin bildirib ki, heç vaxt onun ictimai şəkildə "donosçu" və ya "satqın" adlandırıldığını eşitməyib. Buna cavab olaraq hüquqşünaslar mediada onun bu cür adlandırıldığı 80 səhifəlik material təqdim ediblər.

Borodin öz "Telegram" kanalında qərardan apellyasiya şikayəti verəcəyini bildirib.

# 905 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Ana səhifə Reels Yazarlar Xəbərlər