Türkiyədən gətirilmiş 10 min kitab Milli Kitabxanaya təqdim edilib

Türkiyədən gətirilmiş 10 min kitab Milli Kitabxanaya təqdim edilib
17 iyul 2021
# 09:39

Azərbaycan Milli Kitabxanasında Türkiyə Elmi və Ədəbi Əsər Sahibləri Birliyi (ILESAM) tərəfindən toplanmış türk dilindəki 10 min nüsxə kitabın Milli Kitabxanaya təqdim edilməsi ilə bağlı tədbir keçirilib.

APA-nın məlumatına görə, tədbirdə bildirilib ki, bu, Mədəniyyət Nazirliyinin Milli Kitabxana ilə birgə həyata keçirdiyi “Qarabağa kitabla gedək” layihəsi çərçivəsində baş tutub.

Milli Kitabxananın direktoru Kərim Tahirov bildirib ki, “Qarabağa kitabla gedək” layihəsinin əsas məqsədi işğaldan azad olunmuş torpaqlarda kitabxanaları bərpa etməkdir: “Bu gün layihə çərçivəsində xeyli kitab yığılıb. Tezliklə biz bu kitabları işğaldan azad olunmuş ərazilərdəki kitabxanalara təqdim edəcəyik”.

Mədəniyyət naziri Anar Kərimov qeyd edib ki, Qarabağda kitabxanalar da məhv edilib: “Hər zaman olduğu kimi, qardaş Türkiyə Qarabağımızın dirçəldilməsində, şəhərlərin yenidən qurulmasında, tarixi-mədəni abidələrin bərpa edilməsi prosesində də Azərbaycana böyük dəstək göstərir. Qarabağda təkcə mədəni abidələrimiz deyil, həm də kitabxanalarımız məhv edilib. Həmin kitabxanaları yenidən bərpa etmək məqsədilə biz bu layihəni həyata keçiririk”.

Türkiyənin Azərbaycandakı səfiri Cahit Bağçı ölkəsinin daima Azərbaycanın yanında olduğunu vurğulayıb: “Türkiyə dünən də Azərbaycanın yanında olub, bu gün də yanındadır və sabah da yanında olacaq. Türkiyə kitabxanalarında belə bir şüar var: “Kitab ən gözəl hədiyyədir”. Biz Qarabağa kitabla gəlmişik”.

Sonda tədbir iştirakçıları işğaldan azad olunmuş ərazilərdə fəaliyyəti bərpa olunacaq kitabxanalar üçün Milli Kitabxanaya hədiyyə olunan kitabların sərgisi ilə tanış olublar.

# 1912 dəfə oxunub

Oxşar xəbərlər

Bu gün Beynəlxalq Rəqs Günüdür

Bu gün Beynəlxalq Rəqs Günüdür

11:00 29 aprel 2025
Pezeşkianın Azərbaycan dilində şeir deməyinə niyə sevinirik? – Ulucay Akif

Pezeşkianın Azərbaycan dilində şeir deməyinə niyə sevinirik? – Ulucay Akif

10:50 29 aprel 2025
Məşhur transseksual rəqqasə vəfat etdi

Məşhur transseksual rəqqasə vəfat etdi

10:20 29 aprel 2025
Baba Vəziroğlu "Ulduz"lu görüşlər"də

Baba Vəziroğlu "Ulduz"lu görüşlər"də

09:35 29 aprel 2025
“Bakı: kainat boyunca” - Premyera

“Bakı: kainat boyunca” - Premyera

09:15 29 aprel 2025
Azərbaycanın əməkdar memarı vəfat etdi

Azərbaycanın əməkdar memarı vəfat etdi

09:01 29 aprel 2025
# # #