Qədim Laodikeya şəhərində (indiki Türkiyənin cənub-qərbində yerləşən Dənizli şəhərində) yaxşı qorunmuş Roma dövrünə aid şura binası aşkar edilib.
Kulis.az xəbər verir ki, eramızdan əvvəl I əsrin sonlarına aid edilən quruluş Anadoluda əvvəllər rast gəlinməyən bir memarlıq üslubuna malikdir. Xarici divarlar beşbucaqlı, daxili hissə isə altıbucaqlı formadadır.
Yığıncaq zalının eyni anda 600- 800 şura üzvü qəbul edə bildiyi təxmin olunur.
Qeyd edək ki, şura binası eramızın 7-ci əsrinə qədər istifadə edilmiş və siyasi aqora, arxiv salonları, böyük hamam kompleksi və bölgənin ən böyük stadionu da daxil olmaqla, qədim Roma şəhərlərinə xas olan digər əsas şəhər müəssisələri ilə inteqrasiya edilib.
