Parisin “Summer pop up” sənətkarlıq məkanında Kanadada yaşayan Aynur Cahanın milli motivlər əsasında hazırladığı zinət əşyalarından ibarət kolleksiyası təqdim olunub.
Kulis.az xəbər verir ki, təqdimatda yerli ictimaiyyətin nümayəndələri və Parisdə yaşayan azərbaycanlılar iştirak ediblər.
Aynur Cahan xaricdə yaşadığı dövrdə Azərbaycanı təmsil edəcək naxışlardan ibarət kolleksiya yaratmaq arzusunda olub və 8 il əvvəl bu arzusunu reallaşdırıb.
Müəllif zinət əşyaları vasitəsilə Azərbaycan, motivlərin hekayələri barədə məlumatları ötürür.
