"Forbes" jurnalı iyunun 1-də 2023-cü il üçün Amerikanın ən varlı qadınlarının siyahısını dərc edib.
Kulis.az xarici mediaya istinadən xəbər verir ki, nəşrin məlumatına görə, aktrisa Riz Uizerspun dünyanın ən varlı aktrisası seçilib.
Uizerspunun 440 milyon dollarlıq sərvətlə 100 nəfərlik siyahıda 59-cu yerdə qərarlaşıb.
Uizerspunun “Səhər şousu” serialının cəmi 10 seriyasında baş rol oynadığı üçün 20 milyon dollar qazandığı bildirilib.
Uizerspundan başqa, Forbes -in Amerikanın ən varlı qadınları siyahısına daxil olan digər qadınlar arasında musiqiçilər Rihanna, Taylor Swift, komediyaçı Ellen DeGeneres və televiziya ssenaristi Shonda Rhimes var.
