“Qanun”la “Əli və Nino”ya təklifim var”

“Qanun”la “Əli və Nino”ya təklifim var”
3 iyun 2015
# 11:00

Kulis son günlər mətbuatın gündəmindən düşməyən “Əli və Nino” kitab mağazalarının yerli müəlliflərə yaratdığı süni əngəllər mövzusuyla bağlı tanınmış yazar Vahid Qazinin açıqlamasını təqdim edir.

Anladığım qədər belə bir problem yalnız “Əli və Nino” kitab mağazalarında yaşanır. Mağaza əsasən “Qanun” nəşriyyatının kitablarına üstünlük verir. Mən buna anlayışla yanaşıram. İki biznes strukturu arasında anlaşma var. Mağaza yalnız bir nəşriyyatın kitablarını satır, satsın. Bunu açıq elan eləsələr, hamı başa düşər, bu qədər gərginlik yaşanmaz. Amma yerli müəllifləri ikinci sort yazar kimi aşağılamağa heç kimin haqqı yoxdur, ədəbiyyatdan uzaq adamın isə heç yoxdur. Kitab oxunmamasının səbəbini yazıçıda axtarmaq problemin kökündən xəbərsiz olmaq deməkdir. Kitabından pul qazandığın yazarı təhqir eləmək yediyin qaba tüpürmək kimidir. Nigar xanımın belə təhqirinə görə hələ iki il öncə iki məqalə yazmağa məcbur oldum. Təkrara ehtiyac duymuram. Bloqumda durur, həvəsi olan oxuya bilər.

Azərbaycanda rusdilli oxucuların fəallığı yeni söhbət deyil. Nigar Köçərlinin son açıqlamasından anladım ki, “Əli və Nino”da satılan kitabların 65 faiz alıcısı rusdilli oxuculardır. “Qanun” nəşriyyatına və “Əli və Nino” kitab şirkətinə rusca kitabımı təklif edirəm. MKM-in son müsabiqəsində favorit kitablardan sayılıb. “ЧАМАЙРА. Кубинская тетрадь” adlı kitaba Kubaya səfərlər zamanı rastlaşdığım olaylardan bəhs edən yazılar, həmçinin ondan artıq hekayə, esse daxildir. Kitabdakı yazıların hamısını bu gün Azərbaycanda ruscaya ən yaxşı çevirənlərdən biri, bəlkə də birincisi sayılan Nicat Məmmədov tərcümə edib. Tərcüməyə, redaktəyə və korrekturaya xərcləri çıxmayacaq. Özümə də qonorar istəmirəm. Satışdan əldə olunan gəlir hesabına istedadlı gənc yazarların bir kitabını nəşr edərik. Buyurun, sübut edin görək həqiqətənmi rus dilində kitab bizim dilimizdəkindən çox satılır?!”

# 1658 dəfə oxunub

Oxşar xəbərlər

"Silsinlər, əxlaqsızlıqdır!" - Məşhur film narazılığa səbəb oldu

"Silsinlər, əxlaqsızlıqdır!" - Məşhur film narazılığa səbəb oldu

12:05 4 aprel 2025
Kinotənqidçilər və Kinoşünaslar Gildiyasının mükafatına namizədlər

Kinotənqidçilər və Kinoşünaslar Gildiyasının mükafatına namizədlər

17:40 3 aprel 2025
“Hal” filmi təqdim edilib

“Hal” filmi təqdim edilib

09:49 3 aprel 2025
Filmimiz beynəlxalq mükafata layiq görüldü

Filmimiz beynəlxalq mükafata layiq görüldü

12:01 1 aprel 2025
Ərindən ayrılan Meqan Foksun övladı dünyaya gəldi

Ərindən ayrılan Meqan Foksun övladı dünyaya gəldi

15:00 29 mart 2025
O, Cavid Təvəkkülü kinoya yenidən qaytardı - Sevda Sultanova

O, Cavid Təvəkkülü kinoya yenidən qaytardı - Sevda Sultanova

12:30 27 mart 2025
#
#
# # #