Rejissor Rəşid Ağamalıyevin “Züleyxa ilə dialoqlar” sənədli filmi CinéDOC-Tbilisi Beynəlxalq Sənədli Film Festivalının “Special Screening” adlı bölməsində nümayiş olunacaq. 2013-cü ildə yaranan CinéDOC-Tbilisi Qafqazın ən böyük sənədli film festivalı sayılır.

2019-cu ildə çəkilən “Züleyxa ilə dialoqlar” qısametrajlı sənədli filmi azərbaycanlı peşəkar pianoçu və şəfaçı Züleyxa Abdullayeva haqqındadır. Onun xəstəsi olmuş gənc rejissor Rəşid Ağamalıyev tamaşaçıları musiqi terapiyası sənətinə səmimi bir səyahətə dəvət edir.

Praqada yerləşən İncəsənət Akademiyasının Kino və televiziya fakültəsinin dəstəyi ilə çəkilən film Azərbaycan, türk və ingilis dillərindədir.

• Rejissor İlker Canikligil sərbəst buraxıldı
• "Dallas"ın ulduzu vəfat etdi
• Şeytan işi - Kamal Abdullanın yeni hekayəsi

Filmin rejissor və prodüseri Rəşid Ağamalıyev, operatorları Nina Şçamborova (Slovakiya), Raaşi Metkari (Hindistan), montajçı Xorxe Sançes (İspaniya), səs operatorları Berk Tuğçu (Türkiyə), Yuras Karaka (Belarus), rəng üzrə mütəxəssis Yan Vlnas (Çexiya), qrafik dizayneri Nəzrin Ağamalıyeva (Azərbaycan), layihə koordinatoru Durna Səfərovadır (Azərbaycan). Filmin çəkilişlərində Züleyxa Abdullayeva (Türkiyə), Vidhi Mehrota (Hindistan), Rəşid Ağamalıyev (Azərbaycan) iştirak ediblər.

Qeyd edək ki, 2020-ci ilin yanvarın 15-də YARAT Müasir İncəsənət Mərkəzində “Züleyxa ilə dialoqlar” sənədli filminin premyerası keçirilib. /azertag.az/

• Rejissor İlker Canikligil sərbəst buraxıldı
• "Dallas"ın ulduzu vəfat etdi
• Şeytan işi - Kamal Abdullanın yeni hekayəsi