Azərbaycanlı snayperçidən film çəkilir

Azərbaycanlı snayperçidən film çəkilir
22 fevral 2021
# 09:57

Özbəkistanda atası azərbaycanlı, anası özbək qızı olan, İkinci Dünya müharibəsində snayperçi kimi ad çıxaran Ziba Qəniyeva haqqında bədii film çəkiləcək.

“Özbəkkino” Milli Agentliyində filmin çəkilişlərinə hazırlıq işləri başlayıb, ekran əsəri Daşkənd vilayətində və Belorusda lentə alınacaq.

Ziba Qəniyeva 1923-cü ildə Şamaxıda doğulub. Onun ailəsi ötən əsrin 30-cu illərində repressiyaya məruz qalıb. Bu bacarıqlı qızın istedadını görüb onu Özbəkistan Dövlət Filarmoniyasının xoreoqrafiya bölməsinə işə qəbul ediblər.

Ziba Qəniyevanın aktyorluq bacarığını görən filarmoniya rəhbərliyi onu A.V.Lunaçarski adına Moskva Dövlət Teatr Sənəti İnstitutuna göndərməyi təklif edir. Beləliklə o,1940-cı ildə instituta qəbul olunur. Ancaq faşist Almaniyasının SSRİ-yə hücumu və 1941-ci ilin payızında düşmənin Moskvaya yaxınlaşması planları dəyişir və 17 yaşlı Ziba Qəniyeva rəfiqələri ilə birgə könüllü olaraq 3-cü Moskva Kommunist diviziyasına yazılır, müharibədə snayperçi kimi ad qazanır.

Müharibədən sonra Ziba Qəniyeva “Qırmızı Döyüş Bayrağ”ı, “Qızıl Ulduz” ordenləri, “Moskvanın müdafiəsi uğrunda” medalı ilə təltif edilib və veteran kimi Azərbaycana qayıdıb, Azərbaycan Dövlət Universitetinin filologiya fakültəsinə qəbul edilib. Universiteti əla qiymətlərlə bitirib və aspiranturaya qəbul olunub.

Ziba Qəniyeva bir müddət Bakı Ali Partiya Məktəbində müəllim, Dil və Ədəbiyyat kafedrasının müdiri işləyib. Sonra isə Moskvada SSRİ Elmlər Akademiyasının Şərqşünaslıq İnstitutunda çalışıb. 1970-ci illərdə Ziba Qəniyeva SSRİ-də istedadlı filoloq-alim kimi tanınıb, məqalələri SSRİ-nin aparıcı qəzet və jurnallarında çap edilib.

Ziba Qəniyeva 2010-cu ildə Moskvada vəfat edib. /AzərTAC/

# 3899 dəfə oxunub

Oxşar xəbərlər

"Oğru kimi özgəsinin torpağına soxulmayaydın!.."  - Qadın talelərindən cəsarətli film çəkən  görkəmli aktyor

"Oğru kimi özgəsinin torpağına soxulmayaydın!.." - Qadın talelərindən cəsarətli film çəkən görkəmli aktyor

12:07 12 avqust 2025
“Weapons” filmi qorxu janrında ilin hadisəsinə çevrilir

“Weapons” filmi qorxu janrında ilin hadisəsinə çevrilir

11:30 9 avqust 2025
Ceyms Kamerondan nüvə hücumları haqqında  yeni film

Ceyms Kamerondan nüvə hücumları haqqında yeni film

10:35 7 avqust 2025
“Mən qadınam” tammetrajlı film ssenarisi müsabiqəsinin qalibləri bəlli oldu

“Mən qadınam” tammetrajlı film ssenarisi müsabiqəsinin qalibləri bəlli oldu

17:18 31 iyul 2025
Pazolini və Viskonti filmlərinin ulduzu vəfat etdi

Pazolini və Viskonti filmlərinin ulduzu vəfat etdi

16:24 31 iyul 2025
Di Kaprionun yeni filminin treyleri yayımlandı

Di Kaprionun yeni filminin treyleri yayımlandı

15:33 31 iyul 2025
Ana səhifə Yazarlar Bütün xəbərlər