Azərbaycan Professional Kinorejissorlar Gildiyasının İdarə Heyətinin növbəti iclası baş tutub və iclasda yeni qərar qəbul edilib.

Kulis.az xəbər verir ki, Gildiyanın İdarə Heyətinin 02 avqust 2021-ci il tarixli qərarına əsasən, kinooperatorların Sovetlər Birliyi dövründən qalmış “kinooperator” peşə adının “təsvir rejissoru” adı ilə əvəz olunması ilə bağlı, peşəkarlar tərəfindən daxil olmuş çoxsaylı müraciətlərə əsasən araşdırmalar aparmış və bu qənaətə gəlmişdir ki, “operator” (latın) sözünün etimalogiyası, hər-hansı bir işi görən, işlək mənasını daşıdığından, audiovizual əsərin təsviri ilə bağlı yaradıcı proseslərin rəhbəri olan və ona məsuliyyət daşıyan peşənin – “quruluşçu kinooperatorun” (bədii filmdə və tv seriallarda), kinooperatorun (sənədli və tv filmlərində) yaradıcı xarakterini və funksiyasını əks etdirmir. Digər tərəfdən “operator” sözünün mənasının ümumi və unversal xarakter daşıdığından, məsələn – avtooperatoru, qazoperatoru, radiooperator, rabitəoperatoru, turoperatoru, kompyuter operatoru və s. 100-dən artıq peşə adlarının mövcudluğu, audiovizual sahənin inkişafında önəmli yer tutan bu peşənin nüfuzuna xələl gətirmək ehtimalını yaradır və belə bir vacib sənətin əhəmiyyətini azaldır.

Azərbaycan Professional Kinorejissorlar Gildiyasının İdarə Heyəti bütün bunları nəzərə alaraq, Gildiyanın Kinooperator bölməsinin – bu sahənin peşəkarlarının təklifini qəbul edərək qərara alıb:

• Audiovizual əsərlərin (filmlərin) yaradılmasında onun təsvir həllinə və bu həllin bədii formada daşıyıcılara həkk olunmasına məsuliyyət daşıyan yaradıcı peşə sahibinin “təsvir rejissoru” adlandırılmasını məqsədəuyğun hesab edilsin.
• Bununla bağlı audiovizual sahədə fəaliyyət göstərən bütün ictimai təşkilatlara, özəl qurumlara, dövlət idarə və müəssisələrinə bu təklifi və onun praktiki istifadəsinin dəstəklənməsi məqsədi ilə müraciət ünvanlandırılsın.

Azərbaycan Professional Kinorejissorlar Gildiyasının sədri Hüseyn Mehdiyev bildirib ki, bizım peşə adları ilə bağlı problemlərimiz çoxdur: “Bununla məşğul olmaq lazımdır. Bu qərar ilk addımdır. Mənə elə gəlir ki, hər sənətin peşəkarları özləri (təsvir rejissorları kimi) təşəbbüs göstərsələr daha düzgün olar”.

• İrəvan Teatrında “Stalin – İzm” tamaşasının məşqləri davam edir
• "Zehtabinin şeirində köhnə simvol yeni ruh qazanır..." - "Yeni Güney Azərbaycan" layihəsindən Hümmət Şəhbazinin essesi
• "Betmen"in ulduzu ictimai tədbirlərdən niyə uzaq gəzir?