Kulis.az Sevinc Elsevər Zəhraya həsr etdiyi şeiri təqdim edir.

Beş iyul, 2017

fizioterapiyaya başladım bu gün

• “Dövlət dəstəyi ilə istehsal ediləcək film layihələri" - Müsabiqə
• Murad İbrahimbəyovun yubiley tədbiri keçirilib
• 4,3 milyon funt-sterlinqə satılan əsər

ağrılardan qurtulmaq

sağalmaq və çox yaşamaq eşqiylə

ötən gecə

düşmən əliylə öldürülən

iki yaşlı Zəhradan utanmadan həm də...

Zəhranın vurulduğu günü

səhər süfrəsində

təpindi uşaqlarına analar

əllərindəki dürməyi yarımçıq qoymasınlar deyə

günorta süfrəsində də, nahar süfrəsində də elə...

tərlədilər

kürəklərinə dəsmal qoydular

hava küləkliydi Bakıda

uşaqlar çərpələng uçurtdular...

axşamdan noxud islatdı mətbəx qadınları

səhər bişirəcəkləri yeməyə qatmağa

gecə düşdü

kişilər tələsdi yatmağa

səhər işə gecikməsinlər deyə

Zəhranı danışdılar qurtardılar

işığı söndü adamların bir-bir

pəncərələrdə

sosial şəbəkələrdə

bəbəklərdə

ürəklərdə

• “Dövlət dəstəyi ilə istehsal ediləcək film layihələri" - Müsabiqə
• Murad İbrahimbəyovun yubiley tədbiri keçirilib
• 4,3 milyon funt-sterlinqə satılan əsər