"Mental.it.ət.ot" silsiləsindən milli-mənəvi bir şeir

Bu şeiri ədəbi tənqidin təzəlikcə "Quzğun" adı verdiyi Fərid Hüseyn Quzğuna ithaf edirəm.

Bir səhər yuxudan durub görəsən,
Qəfildən yaxşıca milli olmusan,
Hamıyla, əqrəba elli olmusan,
Qızların yüz qulac telli olubdu,
Sən də ki, bığları enni olmusan.

• Musiqili Teatrının direktoru Əliqismət Lalayev işdən çıxarıldı
• "Məktəb tikdirmək istəyirsə..." - Şərurlu İsfəndiyara cavab
• Cəfər Namiq Kamal 75 illiyini səhnədə qeyd etdi

Bir səhər yuxudan durub qəfildən,
Böyük Füzulini tərs oxuyasan:
"... tale zəbun, düşmən qəvi..."
Sonra milli mənəvi-mənəvi,
Bir lavaşarası dolma yeyəsən,
Bir qımız içəsən "oxqay!" deyəsən,
Düşəsən çox milli-mənəvi hala,
Üz tutub gedəsən avtovağzala,
Bir bilet alasan yola düşəsən-
Ən azı üç min il tarixi olan,
Salyan torpağında balıq yeməyə.

Bizim milli balıqlar,
Hesabdakı qalıqlar,
Gündə bir qab dərd yeyin,
Dərd yeyən tez arıqlar.

Arıqladım, zəiflədim,
Qocalmamış xəriflədim,
Kimi tutdum təriflədim,
Milli mənəvi-mənəvi...

E.Ə. XII əsr, Azıx Mağarası

• Musiqili Teatrının direktoru Əliqismət Lalayev işdən çıxarıldı
• "Məktəb tikdirmək istəyirsə..." - Şərurlu İsfəndiyara cavab
• Cəfər Namiq Kamal 75 illiyini səhnədə qeyd etdi