Üzməyi suda boğulan daha tez öyrənər

Ədəbi tənqid

Ana səhifə
Ədəbi tənqid

Üzməyi suda boğulan daha tez öyrənər

14 yanvar 2014

15:33

Kulis.Az Con Faulzun”Kahin” romanından seçmələri təqdim edir.

…Sinizm (ictimai, əxlaqi, mədəni, mənəvi dəyərlərə nifrət etmə.-İ.U.) arxasında həmişə gücsüzlük, bir sözlə – impotensiya — durur; mübarizədən yüksəkdə yalnız gerçəkdən də mübarizə aparmış şəxs ola bilər.

…Kiçik ibtidai həqiqətlərin axtarışı naminə uydurma içindən yüzlərlə səhifəni yarıb keçməyə gərək varmı?

…Əyləncəvilik ədəbiyyatda bayağılıqdır.

… Cəmiyyətdə təsadüfləri sıfıra endirmək, qullarını azadlıq seçimindən məhrum etmək üçün bir üsul da mövcuddur: onları keçmişin gələcəkdən üstün olduğuna inandırma gərəkdir.

…Üzməyi suda boğulan daha tez öyrənər.

… Hitler özünə xəyanət etməmişdi. Lakin milyonlarla alman özünə xəyanət etdi. Faciə, bax, budur. Faciə – tək bir adamın şər bələdçisi olmağa cəsarət etməsində deyil. Faciə odur ki, ətrafdakı milyonlarla adam xeyrin tərəfini tutmağa cəsarət etmədi.

… Sözlər fantaziyanı yox, faktları əks etdirmək üçündür.

… İndi siz, gənclər, bir-birinizlə öz bədəninizlə bölüşürsünüz, bədənlərinizlə əylənirsiniz, büsbütün özünüzü verirsiniz. Bizim üçün isə belə şeylər əlçatmaz idi. Amma bilin ki, çəkincəkliyin dəyərli sehrini əməllərinizə qurban verirsiniz. Nəinki nadir heyvan növləri, duyğuların nadir növləri də yoxa çıxmaqdadır.

… Özümüzü olduğumuz kimi qəbul etməyimizlə özümüzü necə olmalıyıq ümidindən məhrum edirik.

…Sivilizasiya – onu təşkil edən hər bir ayrı-ayrı dövlətdən kamil ola bilməz; dövlət – onun hər bir ayrı-ayrı vətəndaşından kamil ola bilməz.

… Hər bir tapmacada enerji gizlənir. Cavab arayan hər kəs də bu enerjidən qidalanır.

… Azadlığı nə qədər çox dərk edirsinizsə, o qədər az ona maliksiniz.

… Hərdən səssizlik özü elə şeirdir.

… Bəzən sevgi — sevdiyinin nailiyyəti yox, sadəcə sənin sevmək bacarığındır.

Çevirdi: İlahə Ucaruh