Atalar sözləri çətin vəziyyətlərdə fikrimizə dayaq olub, vacib bir təcrübə kimi əlimizdən tutub. Əsrlərlə yol gələn bu sözlərin hikməti qeydsiz-şərtsiz qəbul olunur. Bəzənsə mənaca bir-birinə əks olan bu hikmətlər tamamən əks situasiyada köməyimizə çatır. Müdriklər hər iki vəziyyəti nəzərə alıb - hansı sərf edirsə, götür işlət.

Kulis.az ikili standartlı atalar sözlərini təqdim edir.

Çayı keçənə qədər erməniyə dayı deyərəm - Keçmə namərd körpüsündən qoy yesin aslan səni

Ən böyük biclik düzlükdür - Düz düzdə qalar

Atan soğan, anan sarımsaq, sən haradan oldun gülməşəkər? - Atamla atanı deyincə özümlə özünü de

Yüz ölç, bir biç – Ağıllı fikirləşincə dəli vurub çay keçər

El ağzına baxan arvadını tez boşar – Elin gözü tərəzinin gözü.

Saqqal feyz olsaydı, keçi şeyxlik edərdi - Saqqalım yoxdu, sözüm ötmür.

Ot kökü üstə bitər - Oddan kül törəyər

Qoçun buynuzu qoça ağırlıq eləməz – Srkə nə qədər tünd olsa öz qabını çatladar

Ağıl yaşda deyil, başdadır – Allahsız yerdə otur böyüksüz yerdə oturma

İt qursağı yağ götürməz – İtə bax qarpız yeyir, tumunu da çırtlayır

Gədədən bəy olmaz, küllükdən təpə - Bəyirdi bəy oldu

Qırxında oynayan gorunda çalar – Qəbir evinəcən öyrən

• Bir şeir yaz mənim yerimə, gün işığı... - Vaqif Səmədoğlunun xatirəsinə
• Nizami Cəfərov: "Bu sözlərdən imtina edə bilmərik" - Açıqlama
• Türk öldürdü, türk ağladı - Günün şeiri