“Hakim və jurnalistdən

futbolçuya dost olmaz”

Sizin heç futbolçu sevgiliniz olub? Vurduğu qolları, ya da tutduğu topları sizə həsr edən bir sevgiliniz olub?

Müqayisə olunmaz dərəcədə güclü rəqiblə oynayanda belə utopik qələbə üçün dua etmisiz heç? Hər oyun səfərinə gedəndə gözünüz yollarda qalıb? Mətbuatı, idman xəbərlərini izləmisiz kor-koranə? Hər yeni yayılan xəbər üstündə mübahisə edib, hər məşqdə olduğu vaxt cavablandıra bilmədiyi zənginiz üçün dalaşmısız onunla?

Futbolçu formasında xəyalınızın oğlanı olduğunu düşünmüsüz gözünüzün içinə baxanda? Kobud qollarının arasında özünüzü təhlükəsizlikdə hiss eləmisiz?

Top tutan əllərdən tutmaq, iri əllərin içində itən incə əllərə baxmaq necə gözəldi bilirsiz?

İş adıyla məşqçisini aldadıb sizin qollarınızda istirahət edən bir futbolçunu sevmisiz heç?

Tamamlaya bilmədiyi cümlələri tamamlamaqda, yeni sözlər öyrənməkdə ona kömək etmisiz? İstifadə etməkdə çətinlik çəkdiyi çəngəl-bıçaqla rəftarı öyrətmisiz ona?

Siz heç futbolçu sevgilinizi öpmək üçün “kablukda” barmaqlarınızın üstünə çıxmısız? Zövqünü formalaşdırmağa çalışmısız? Telefonda mesaj yazmağı öyrətmisiz ona?

O əzələli qollarının arasında sıxıb sizi sinəsinə bərk-bərk? Əyilib alnınızdan öpüb 190 sm boyundakı adam sağollaşmaq üçün?

Bilirsiz necə hissdi bu?

Siz bilirsiz mətbuatdan qaçıb ən uzaq yerlərdə sevişmək nədi?

Sarılmaq, anı yaşamaq, hiss etmək... Siz bilirsiz bir futbolçunu sevmək nədi?

Mən də bilmirəm.

• "Şah Abbas Namə" tamaşasının məşqləri bitmək üzrədir
• 27 min şagirdin dil imtahanı
• Tənqidçi sadə söz adamıdır, başqa heç nə...