Səhv yazılan sözlər

 Səhv yazılan sözlər
29 avqust 2012
# 11:01
Neçə il bundan əvvəl universitetimizin yanındakı kiçik kafedə, türklərin bizim pomidor-yumurta kimi (içinə soğan və istəyə görə bibər də atırlar) tanıdığımız və “menemen” dedikləri yeməyin adının “melemen” yazılmasını görmüşdüm. Bizim pomidor-yumurta kimi tanıdığımız yeməyə türk qardaşlarımızın verdiyi ad belədir – “menemen”.

Yeməyin adının “melemen” yazılması diqqətimi çəkdi. Çünki mən “menemen” deyə yazıldığını bilirdim. Daha sonra bunu dəqiqləşdirmək üçün rəfiqəmdən soruşdum. O da doğru yazılışının “menemen” olduğunu dedi.

Amma doğrusu, mən şübhəyə düşmüşdüm, bəlkə elə doğrudan da “melemen”dir? Əgər rəfiqəmdən soruşmasaydım, elə yeməyin adının “melemen” də yazıldığını sanacaqdım. Ya da “Tubanın yeri” deyə bir kiçik kafe vardı. “Tuğba” yazıldığını bilirdim. Bunu da rəfiqəmdən soruşdum – “ “Tuğba” ya “Tuba”? Rəfiqəm də dedi ki, “Tuğba” da var, “Tuba” da”.

Yer adları getdiyimiz xarici ölkələrdə dili öyrənməyə və öyrəndiyimiz sözləri doğru yazmağa çox kömək edir. Uşaqlara isə bu, daha çox xeyir olur.

Bakıda da adı səhv yazılmış yerlər var. Məsələn, “Şəhzadə” adlı gül mağazası görmüşdüm. Axı, bu adı seçəndə heç olmasa, lüğətə baxmaq lazımdır. Nərmin Kamal “Google təbliğatı” adlı yazısında o qədər haqlı idi ki. Hər rastlaşdığımızla maraqlansaq, bu, biliyimizi artırar. Əlimizin altında lüğət olmasa belə internetin geniş istifadə edildiyi zamanda yaşayırıq və e-lüğətlər var.

Məsələn, “Diş kabineti” yazıblar. Məgər içəridə diş müəllim oturub? Ya da “yeməy içməy yeri”, “Ayaqabı satılır”, “Alğı-satqı”, “kosmetka”, “Çiçəy gözəllik salonu”, “Badükubə”, “tüalet” və s.

İkinci sinifdə oxuyanda binalardan birinin divarına “Michael Jackson” yazıldığını görmüşdüm, xalamdan soruşmuşdum oxuya bilmədiyim üçün.

Elə onun sayəsində də bu adın– “Maykl”ın ingiliscə “Michael” kimi yazıldığını həmin divar yazısından öyrənmişdim. Həmçinin “Michael”-ın “Maykl” deyə oxunduğunu bilmişdim. Yaddaşımda da elə qaldı.

Dili öyrənmək istəyən və ya öyrətmək istədiyimiz yadlardan bizə çox sözlər keçib. Axı, bu, uşaqlara da pis örnək ola bilər. İbtidai sinif şagirdi, yeni-yeni hərfləri öyrənmiş, sözləri yazmağa çalışan balacalar belə şeylərə diqqət etsə, nə olacaq? Onlar sözləri yanlış öyrənəcək. Onda bu məsuliyyət(sizlik)i boynuna götürən bir şəxs bir addım önə çıxsın.

# 2130 dəfə oxunub

Oxşar xəbərlər

Seyid Əzimi kim qətlə yetirmişdi?

Seyid Əzimi kim qətlə yetirmişdi?

17:00 15 oktyabr 2024
Sizin yeriniz AYB deyil! - Elza Seyidcahana açıq məktub

Sizin yeriniz AYB deyil! - Elza Seyidcahana açıq məktub

11:30 23 sentyabr 2024
Mən Mircəfərin eynəyini taxıb, Müşfiqin, Cavidin şeirlərini oxumağa hazıram... - Həmid Herisçi

Mən Mircəfərin eynəyini taxıb, Müşfiqin, Cavidin şeirlərini oxumağa hazıram... - Həmid Herisçi

12:00 19 sentyabr 2024
Qarabağı hansı uşaqlar azad etdi?

Qarabağı hansı uşaqlar azad etdi?

13:14 14 sentyabr 2024
Baboşun villasından alimin zirzəmisinə

Baboşun villasından alimin zirzəmisinə

15:00 26 avqust 2024
"Elə bildim, narkoman olmuşam..." - İlham Əziz

"Elə bildim, narkoman olmuşam..." - İlham Əziz

17:25 2 avqust 2024
# # #