Dekabrın 8-i saat 19-da Azərbaycan Dövlət Mahnı Teatrında yazıçı Şərif Ağayarın yeni çapdan çıxmış “Mənim tanıdığım Ələsgər” kitabının təqdimatı və imza günü keçiriləcək.
Kulis.az xəbər verir ki, ustad aşıq-şair Aşıq Ələsgərlə bağlı esselərin toplandığı kitabın təqdimat mərasimi “Dədə Ələsgər Ocağı” ictimai Birliyinin hesabat konserti ilə birgə keçiriləcək.
Tədbirdə tanınmış söz və elm adamlarının çıxışı, aşıq, müğənni və musiqi qruplarının ifaları nəzərdə tutulub.
“Qanun” nəşriyyatında işıq üzü görən “Mənim tanıdığım Ələsgər” kitabında müəllif Aşıq Ələsgərin həyat və yaradıcılığı barədə öz fikir və qənaətlərini bölüşür. Şeirlərinə fərqli bucaqdan baxmağa çalışaraq, onu daha çox şair kimi xarakterizə edir. Buna görə klassik ədəbiyyatla, xüsusən Füzuli yaradıcılığı ilə orijinal analogiyalar aparır.
Tədbirə giriş sərbəstdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
