10 qəpiklik aldanmaq

Yazarlar

Ana səhifə
Yazarlar

10 qəpiklik aldanmaq

11 avqust 2012

08:00

2009-cu ildə yollarda, metro çıxışlarında kontur satılırdı. Kart kontur almırdınsa, nömrəni satıcıya deyib, istənilən kontur pulundan 20 qəpik artıq verirdin və nömrənə kontur gondərilirdi - 100-200 kontur.

Türkiyədə də bundan istifadə edilir və buna “parça kontur” deyirlər. Kart konturdan daha az pul ödəməklə və bundan əlavə satıcıya bizim pulla təxminən 50 qəpik verirsən, kontur nömrənə göndərilir.

Bir neçə gün əvvəl sim kontur almaq istəyəndə, satıcı 10qəpik artığına satdıqlarını dedi. Buna Qubada da rast gəlmişdim. Qubada isə 20 qəpik artığına satırdılar. Almadım konturu. Kartın üstünə dəqiq qiymət yazılır. Axı bu nə özbaşınalıqdır?

10 qəpik məsələsi deyil. Adamı gözünün içinə baxaraq aldatmaqdır, bu. Türklər demiş, “parça kontur” almırsan ki, “racona” uyub əlavə pulu verəsən.

“Azercell”in müştəri xidmətinə zəng edib, bu “racon” barədə soruşdum. Operator konturu ancaq rəsmi dilerlərdən almağı məsləhət gördü.

Heç kim də 10-20 qəpiyə görə səsini çıxarmır. Satıcıların haqsız yerə qoyduğu “qanunlara” əməl etməklə, öz haqqımızı onların qoyduğu pula satırıq. Özlərini haqlı görürlər və özbaşınalığa tabe etməyə çalışırlar insanları. Ən azından bacardığımız qədər belə özbaşınalıqlarla mübarizə aparaq, həmin satıcıların bu özbaşınalıqlarını boykot edərək onlardan kontur almayaq.

Rüşvətin “Toyuqmu birinci yaranıb, yumurtamı?” məsəlinə döndüyü kimi, belə xırda görünən problemlərin də sonu rüşvət kimi olacaq – kimsə özbaşınalığını həyata keçirir və bunu insanların həyat tərzinə çevirməyə çalışır, çünki hamı onların istədiklərini edir.

Əslində “Rəsmi dilerlərdən alın” deməklə problem həll olunmur. Təcili kontur almalı olursan. O zaman hər yaşayış binasının yaxınlığında rəsmi diler olsun. İnsanın aldadıldığını bilərək aldanmasına razı olması xoş deyil.