“Sənsiz” tamaşasının məşqlərinə başlanıldı

“Sənsiz” tamaşasının məşqlərinə başlanıldı
19 iyun 2023
# 12:30

Akademik Milli Dram Teatrında yazıçı-dramaturq, dövlət xadimi Şıxəli Qurbanovun “Sənsiz” əsəri əsasında hazırlanacaq eyniadlı tamaşanın məşqlərinə başlanılıb.

Kulis.az xəbər verir ki, Teatrın Bədii rəhbəri, Əməkdar incəsənət xadimi Mehriban Ələkbərzadə, direktor vəzifəsini icra edən, Əməkdar mədəniyyət işçisi İlham Əsgərov tamaşanın yaradıcı heyəti ilə görüşüb, uğurlar arzu ediblər.

Xalq artisti, görkəmli teatr rejissoru Tofiq Kazımovun 100 illik yubileyinə həsr olunacaq “Sənsiz”lə böyük sənətkarın unudulmaz xatirəsi anılacaq.

Əsərə, eləcə də müəllifin müraciət etdiyi dövrə fərqli və yeni baxış bucağından nəzər salınacaq. 1967-ci ildə Tofiq Kazımovun quruluş verdiyi "Sənsiz" tamaşası dövrünün böyük maraqla qarşılanan səhnə əsərlərindən biri olub.

Tamaşanın quruluşçu rejissoru Nihad Qulamzadə, bəstəkarı Vüqar Balayev, rəssamı Vüsal Rəhim, işıq üzrə rəssamı Rafael Həsənov, rejissor assistenti Xanım Həsənova və Könül Kərimovadır.

Yeni yaradıcılıq işində Xalq artisti Mehriban Zəki (Sevinc), əməkdar artist Füzuli Hüseynov (Tərlan), aktyorlar İlahə Həsənova (Maral) və Ziya Ağa (Fərhad) çıxış edəcəklər.

Tamaşanın premyerası oktyabr ayında olacaq.

Qeyd edək ki, Prezident İlham Əliyev 3 mart 2023-cü il tarixində Azərbaycanın görkəmli teatr rejissoru, dövlət mükafatları laureatı, tanınmış pedaqoq, Xalq artisti Tofiq Səməd Mənsur oğlu Kazımovun anadan olmasının 100 illik yubileyinin qeyd olunması ilə bağlı Sərəncam imzalayıb.

Sərəncamda bildirilib ki, orijinal yaradıcılıq dəst-xəttinə malik fitri istedadlı rejissor kimi Tofiq Kazımov Azərbaycan teatrının repertuarını yüksək bədii-estetik meyarlı səhnə əsərləri ilə daha da zənginləşdirib. Sənətkar özünün teatr məktəbini qurmağa müvəffəq olmuş və həmin məktəb ölkə teatrını irəli apararaq ona yeni nailiyyətlər qazandırıb. Tofiq Kazımov milli və dünya dramaturji irsinin diqqətəlayiq nümunələrinə müasirlik kontekstində verdiyi mükəmməl quruluşlarla mədəniyyət salnaməmizə parlaq səhifələr yazıb.

# 3232 dəfə oxunub

Oxşar xəbərlər

Musiqili Teatrının direktoru Əliqismət Lalayev işdən çıxarıldı

Musiqili Teatrının direktoru Əliqismət Lalayev işdən çıxarıldı

18:18 4 aprel 2025
Kukla Teatrının aprel repertuarı

Kukla Teatrının aprel repertuarı

15:03 1 aprel 2025
"Xurşidbanu Natəvan"  Şəki Dövlət Dram Teatrında

"Xurşidbanu Natəvan" Şəki Dövlət Dram Teatrında

13:55 1 aprel 2025
Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

12:58 29 mart 2025
Naxçıvan Dövlət Milli Dram Teatrı  Türkiyədə festivalda - Fotolar

Naxçıvan Dövlət Milli Dram Teatrı Türkiyədə festivalda - Fotolar

12:19 29 mart 2025
Şəfiqə Məmmədova “İstiqlal” ordeni ilə təltif edilib - Sərəncam

Şəfiqə Məmmədova “İstiqlal” ordeni ilə təltif edilib - Sərəncam

11:37 29 mart 2025
# # #