“İnanıram” monotamaşasının premyerası keçirildi

“İnanıram” monotamaşasının premyerası keçirildi
19 dekabr 2024
# 14:25

Azərbaycan Dövlət Akademik Musiqili Teatrının səhnəsində yazıçı-dramaturq Ülviyyə Heydərovanın “İnanıram” monopyesi rejissor Leonid Kletsin quruluşunda təqdim olunub.

Kulis.az xəbər verir ki, səhnə əsərində rolu “Şöhrət” ordenli Xalq artisti Şüküfə Yusupova canlandırıb.

Səhnə əsərinin quruluşçu rəssamı Vüsal Rəhim, musiqi tərtibatçısı və səs rejissoru Məhəmməd Məmməmdov, videoqrafı Murad Həsənov, rejissor assistenti Zaur Əliyevdir.

Psixoloji dram janrında qurulan tamaşa müharibədə oğlunu itirmiş ananın həyatından bəhs edir. İllər öncə gənc alim qadın bir dağ kəndində arxeoloji ekspedisiyada iştirak edərkən, yamacda tək bir ağac görür. Gənc arxeoloq bu ağacın kölgəsində oturarkən ana olacağını öyrənir. Məhz bu məqamdan sonra qadınla ağac arasında mənəvi bağ yaranır. Hətta körpəni belə bu ağaca bənzədir. Qadın müharibə səbəbindən arxeoloji qazıntı ərazisindən uzaq düşür. Oğlunu şəhərdə böyüdür. Həmişə arzulayır ki, işğal altında qalan dağ yamacındakı bu ağacı oğluna göstərə bilsin. İllər sonra qadının oğlu həmin ərazini işğaldan azad edərkən, anasının bəhs etdiyi həmin ağacı tanımadan şəhid olur. Artıq qadının bu dünyada sadəcə bir sığınacağı var – yamacdakı tək ağac. Son dəfə ağacı görmək üçün qadın işğaldan azad olunmuş yamaca qayıdır. Müəllif əsəri müharibədə oğlunu itirmiş analara ithaf edib.

# 986 dəfə oxunub

Oxşar xəbərlər

“Yalquzaq”  tamaşaçılara təqdim olundu

“Yalquzaq” tamaşaçılara təqdim olundu

18:22 17 yanvar 2025
Azdramanın yeni Bədii Şurası

Azdramanın yeni Bədii Şurası

10:28 16 yanvar 2025
Qazaxıstanın tanınmış rejissoru Milli Dram Teatrında

Qazaxıstanın tanınmış rejissoru Milli Dram Teatrında

15:55 15 yanvar 2025
"Şahnamə"  tamaşasının məşqlərinə başlanıldı

"Şahnamə" tamaşasının məşqlərinə başlanıldı

11:31 15 yanvar 2025
AMDT:  2024-ün yekunları, 2025-in planları

AMDT: 2024-ün yekunları, 2025-in planları

14:00 14 yanvar 2025
“Kod adı V.X.A”  tamaşası yenidən təqdim olunacaq

“Kod adı V.X.A” tamaşası yenidən təqdim olunacaq

13:46 13 yanvar 2025
# # #