Dünya haqqında biliklərimiz nə qədərdir?

Edison “hər hansı bir şey haqqında bildiyimiz gerçəyin milyonda biri qədərdir” deyəndə bəlkə bir az ifrata varırdı.

Amma bilmədiklərimiz bir yana dursun, səhv bildiklərimiz necə?

Con Lloyd və Con Mitçinsonun imzası ilə çap olunan “Cahilliklər kitabı” (The Book of General Ignorance) səhv bildiyimiz gerçəkləri bizə açıqlayır.

Kulis.Az bu kitabdan seçmələri təqdim edir.

Rusiya çariçası II Yekaterina 1796-cı ildə 67 yaşında yatağında öldü. O, tualetdə olarkən iflic keçirmişdi. Bir neçə gün müalicədən sonra çariça vəfat etdi.

Onu cinsi əlaqəyə girdiyi böyük bir atın öldürməsi barədə əsrlərdir şayiələr dolaşır. Amma Yekaterinanın atla əlaqəsi barədə heç bir fakt yoxdur. Bu, ona kin bəsləyən qeybətcil oğlu I Pavel tərəfindən uydurulmuş söhbət ola bilər. Ya da fransızların şəkildə yaydığı şayiə olması da mümkündür ( Mariya Antuanetta ilə bağlı şayiələr bundan da pis idi).

Amma Yekaterinanın pornoqrafik bir həyat yaşadığı şübhəsizdir. Onun çoxlu məşuqu var idi. Hətta bəzi namizədlərini öz qulluqçusunun yatağına salır, nəticə uğurlu olarsa onu öz məşuquna çevirirdi.

Çariçanı məşuqla təmin edən adamlardan biri də köhnə sevgililərindən idi. Bu adamın familiyası Patyomkin idi. Həmin o zirehli Patyomkin gəmisinə bu admiralın adı verilmişdi.

Yekaterinanın nikahdankənar münasibətləri 11 nəfəri əhatə edir. Bu barədə onun məktublarından bilirik. Amma dedi-qodulara görə məşuqlarının sayı 289 olub.

Halbuki Yekaterinanın əsl mirası siyasi və mədəni sahədə uğurlarıdır. Yekaterina Sankt Peterburqda Birinci Pyotrdan daha çox bina inşa etdirmişdir. Rus hüququndakı qarışıqlıqları sahmana salmış, gözəl parklar tikdirmiş, rus muzeylərini Avropanın sənət əsərləri ilə doldurmuş, çiçək peyvəndini tətbiq etdirmişdir. Ona “Şimal ulduzu” deyən Didro və Volter də daxil olmaqla Avropa yazıçı və filosoflarını dəstəkləmişdir.

Genetik varisi I Pavel isə tarixdə heç bir ciddi rol oynaya bilmədi. I Pavel çar ikən oyuncaq əsgərlərini əzdiyi üçün siçanı hərbi tribunala verdirərək onu xain elan etmişdi. Sonra da atını hərbi məhkəməyə verdi və məhkəmə atı 50 qamçı ilə cəzalandırdı.

Bir müddət sonra o, qətlə yetirildi və yerinə Birinci Aleksandr çar oldu.

Digər yazılar:

Amerika adı Vespuççidən götürülməyib! - CAHİLLİKLƏR KİTABI

Amerikadakı dəvələr niyə ölüb?- CAHİLLİKLƏR KİTABI

Şirləri və köpək balıqlarını öldürən bu heyvanı tanıyırsızmı? – CAHİLLİKLƏR KİTABI

• “Borçalı aşıq mühitini tanıyaq və tanıdaq” - Yeni layihə
• 750 minə çəkildi, 400 milyon qazandı
• Azərbaycanlı müəllifin pyesi Rusiyada beynəlxalq müsabiqənin qalibi oldu