“Xoşbəxtlik — bir təlxəyin söyüşsüz keçən günü” - Elçin Məhərrəmin yeni şeirləri

“Xoşbəxtlik — bir təlxəyin söyüşsüz keçən günü” - Elçin Məhərrəmin yeni şeirləri
4 oktyabr 2026
# 14:00

Kulis.az Elçin Məhərrəmin yeni şeirlərini təqdim edir.

Rənglərdən o tərəfə

Xoşbəxtlik -
bir təlxəyin söyüşsüz keçən günü.

Həmişə
rəngarəng olmurmuş şarlar.

Qapqara parçalar
yellənir bəzən
azadlıq bayrağıtək
darvazaların başında.

Onda bilirsən ki,
həyatın qara rəngi var.

Onda bilirsən ki,
qara gün dördnala qovur
ağ günləri.

"Qara yara" qarğışı
eşidilir qırmızı dodaqlardan.

Və qara yuvaya çevrilir
girdiyin hər daxma,
hər mənzil, hər saray..

Kip dodaqlı suvenir

Vitrindən
boylanan suvenirtək
xatirələr boylanır
“Yad daş” ımın
künc-bucağından.

Qəbul et ki,
nəfəs almaq
dünənin ciyərinə düşmür.
Daha çırpınmır ürəklər
sabahlara,
qollar qucaqlayır günahları
mismarlı əlləriylə.
Və sırsıralar deşir
bəbəksiz gözləri
yayın cırhacırında.

Üzü küçəyə
qışqırmaq istəyirəm
bu gün :
Varmı bir heykəltəraş
kip dodağını yarsın
bu suvenirin ?!

Hanı dilim?!
Mən danışmaq istəyirəm...

İş saatı

Pivəxanada
başını boş
masaya
söykəyib mürgü vuran
ağbirçək qadın,
evindəki şorba
neçə saatdır soyuyub?


Akasiya
kölgəsindəki adam

"Nə vaxtsa
yarpaqlar
təslim olmayacaq
çovğun nəfəsli
aylara."

Nə vaxtsa uşaqlar
başa düşəcəklər ki,
barmağını dişləyib
ayaq altına qoymaqla
ölümü yubatmaq olmaz.

Başa düşəcəklər
xəyanət elə
gizlənqaçdan,
beşdaşdan,
qaçdı-tutdudan başlayır.

Anlayacaqlar :
böyümək elə kiçilməkdir,
xırdalanmaqdır -
şəhər-şəhər,
küçə-küçə,
döngə-döngə...

Üst-başındakı
tozu çırpıb,
yalnız və yalnız
köynəyindən
daman mürəkkəbi
zəfər təntənəsi
sayan bir şair,
körpə akasiyanın
kölgəsində sübh tezdən
pıçıldayacaq :

"Nə vaxtsa
yarpaqlar
təslim olmayacaq
çovğun nəfəsli
aylara."

# 2419 dəfə oxunub

Oxşar xəbərlər

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə gülləmişdi?

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə gülləmişdi?

14:00 10 noyabr 2026
"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

11:01 7 noyabr 2026
"O, təkcə metal açarı yox, öz mənəvi açarını da itiribmiş” - Hekayə müzakirəsi

"O, təkcə metal açarı yox, öz mənəvi açarını da itiribmiş” - Hekayə müzakirəsi

12:46 4 noyabr 2026
Onlar çox yaşamadılar, amma ədəbiyyatı dəyişdilər – Gənc yaşda vəfat edən 10 şair

Onlar çox yaşamadılar, amma ədəbiyyatı dəyişdilər – Gənc yaşda vəfat edən 10 şair

15:00 3 noyabr 2026
Fiksiya həyatda qalma forması kimi - Silvia Goteanschi

Fiksiya həyatda qalma forması kimi - Silvia Goteanschi

11:00 3 noyabr 2026
Riyazi mənzərələr - Vüqar Vanın yeni hekayəsi

Riyazi mənzərələr - Vüqar Vanın yeni hekayəsi

10:00 3 noyabr 2026
#
#
Ana səhifə Reels Yazarlar Xəbərlər