Məşhur şair başına gələn qəzadan DANIŞDI

Məşhur şair başına gələn qəzadan <span style="color:red;">DANIŞDI
10 fevral 2015
# 14:29

Məşhur şair Məmməd Aslanın omba sümüyü sınıb.

Bu barədə Kulis.az-a şairin özü məlumat verib.

Buna baxmayaraq o, bildirib ki, bəzi saytlarda bu barədə yayılan məlumatlarda qeyri-dəqiqlik var.

Məmməd Aslan media bu haqda nəsə yazılmasına tərəfdar olmadığını vurğulayıb: “Mediamızın da, mediamızı oxuyanların da başından bir tük əskik olmasın. Çünki, Allahın verdiyi hər şey bizə gərəklidir, xüsusilə, cansağlığı. Amma hər şeyi olduğu kimi çatdırmaq, vacibdir. İbrətli bir misal deyim: sağsağan sağsağanlığı ilə, bu budaqdan o budağa xəbər aparanda səsini dəyişmir, sözünü dəyişmir. İnsan niyə özünü sağsağandan aşağı hiss elətdirməlidir ki? Xəstəliyimlə bağlı mediada nəsə yazılmasını istəməzdim. Çünki respublikada min-min insan yaşayır, Allah hamısına səhhət versin. Heç kəsin icazəsi olmadan onun haqqında heç nə yazmaq olmaz. Yazırsansa da, o, ağıllı sağsağandan öyrən. Mən beş-altı gün öncə İrana müalicə üçün getmişdim, orda – Şəhriyar xəstəxanasında mənə son dərəcədə hörmətlə yanaşdılar. Getdiyim xəstəlik üzrə, demirəm hansı xəstəlikdir, məni hazırladılar ki, əməliyyat olunum. Sabah əməliyyat stoluna çıxacaqdım ki, axşam qəza baş verdi. Deyir, qəza bəd gələndə quymaq diş sındırar. Qəfil yıxıldım, omba sümüyüm parçalandı. Rentgen elədilər, bir gündən sonra əməliyyat olundum, metalla çivləyib düzəltdilər və məni yola saldılar. Üzləri ağ olsun. Olan budur. Bunu başqa cür qələmə vermək, xəstənin yorğan-döşəkdə saqqalı şəklini yaymaq, hamının başına gələcək bir şeyi, Allah hər kəsdən uzaq eləsin, hallandırıb-hallandırıb demək nəyə gərəkdir? Yazırlar ki, yolda qəzaya düşüb, İrana gedə bilməyib... Belə olmayıb axı, hadisə xəstəxanada baş verib. Adamların başını belə söhbətlərlə qatmaq kimə lazımdı, bu kimin xeyrinədir? Hazırda evdəyəm, hətta bu gün oturub şeir də yazmışam... Arzum budur, bizim media tək mənə münasibətdə yox, bütün məsələlərdə sağsağan söhbətini unutmasın!”

# 1610 dəfə oxunub

Oxşar xəbərlər

Yatmış göyərçinləri azan səsi oyatdı - Ruslan Mollayevin şeirləri

Yatmış göyərçinləri azan səsi oyatdı - Ruslan Mollayevin şeirləri

15:00 3 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
#
#
# # #