Həyatının son 45 ilində kitablarını çap etdirməyən və 2010-cu ildə vəfat edən yazıçı C. Selincerin bu yaxında üzə çıxan beş kitabının adı məlum olub.

Kulis.Azın türk mətbuatına istinadən verdiyi məlumata görə yazarın həyatı ilə bağlı sənədli filmin hazırlanması zamanı üzə çıxan kitablar önümüzdəki 7 il ərzində çap olunacaq. Bunların arasında yazarın kult romanı “Çovdarlıqda uçurumdan qoruyan”ın davamı kimi yazılmış bir hekayə də var. Romanın baş qəhrəmanı Holden Kolfildin həyatından bəhs edən hekayə “Last and Best of Peter Pens” adlanır.

Selincerin hekayələrində yer alan məşhur obrazı Seymur Qlassın ailəsi haqqında olan “The Complete Chronicle of Glass Family’” və yazarın II Dünya Müharibəsi zamanı xüsusi xidmət orqanı işçisi kimi çalışdığı dövrlərindən bəhs edən “Əks kəşfiyyat işçisinin gündəliyi” adlı kitablar qarşımızdakı illərdə çap olunacaq.

Yazıçının qısa müddət evli olduğu, nasistlərlə əməkdaşlıq etmiş arvadı Silviya Uelterlə münasibətlərindən bəhs edən digər kitabı isə “World War II Love Story” (“İkinci Dünya Müharibəsi eşq hekayəsi”) adlanır.

Ömrünün sonlarında hinduizm dinini qəbul etmiş yazıçının sonuncu kitabında elə bundan bəhs olunur. Kitab “A Religious Manual” adlanır.

• Napoleonun şəxsi qılıncı hərraca çıxarıldı - FOTO
• Coni bu nominasiyada ilk dəfə qalib oldu
• Musiqili Teatr may repertuarını açıqlayıb