Nəsiminin yubileyi ilə bağlı növbəti sərgi

Oktyabrın 4-də Bakı Şəhər Mədəniyyət Baş İdarəsinin Nizami rayon Mərkəzləşdirilmiş Kitabxana Sistemi 4 nömrəli filial ilə birgə 242 nömrəli tam orta məktəbdə İmadəddin Nəsiminin anadan olmasının 650 illik yubileyi ilə əlaqədar kitab sərgisi təşkil edib.

Kitab sərgisində məktəbin müəllim və şagirdləri, valideynlər, kitabxananın əməkdaşları iştirak ediblər.

Sərgidə Azərbaycan xalqının ümumbəşəri mədəniyyətə bəxş etdiyi qüdrətli söz ustası Nəsiminin doğma dilimizdə qələmə aldığı ictimai və fəlsəfi şeirləri, seçilmiş əsərləri, qəzəlləri və s. kitablar nümayiş etdirilib. Bununla bərabər, məktəblilər üçün 200-ə yaxın elmin bütün sahələrindən bəhs edən kitablar sərgilənib.

Uşaqların, məktəblilərin intellektual səviyyəsini yüksəltmək, onların mütaliəyə marağını gücləndirmək imkanı daha çox kitabxanaçıların fəaliyyəti ilə bağlıdır. Buna görə də kitabxana əməkdaşları mütəmadi olaraq kitab sərgiləri, mütaliə saatları təşkil edərək oxucuları kitabxanaya cəlb edirlər.

Təşkil olunmuş sərgi öz məna və məzmununa görə məktəblilərin zövqünü oxşayıb, valideynlər və şagirdlər, məktəb kollektivi tərəfindən böyük rəğbətlə qarşılanıb.

Sərginin təşkil olunmasında məqsəd böyüməkdə olan gənc nəslin intellektual inkişafında kitabın rolunu artırmaq, mütaliəyə həvəsləndirmək, vətənə sevgi, dostluq, düzgünlük kimi keyfiyyətləri aşılamaqdır./azertag.az/

• Milli Dram Teatrı: "Onlar tamaşanın afişası ilə bağlı mübahisə ediblər"
• Vaqif əvəzedilməz idi... - Kamal Abdulla
• Salam, yaz yağışı, salam, göy üzü! - Fəxri Müslümün yeni şeirləri