Qulu Əsgərovun 90 illik yubileyi keçirilib

Qulu Əsgərovun 90 illik yubileyi keçirilib
14 iyun 2018
# 10:36

Beynəlxalq Muğam Mərkəzində tanınmış xanəndə, bəstəkar və pedaqoq Qulu Əsgərovun 90 illik yubileyi münasibətilə tədbir keçirilib.

Kulis.az Azərtaca istinadən xəbər verir ki, Muğam Mərkəzinin “Unudulmayanlar” layihəsi çərçivəsində reallaşan tədbir Qulu Əsgərov haqqında videoçarxın nümayişi ilə başlayıb.

Yubiley gecəsinin aparıcıları - Xalq Artisti Mələkxanım Eyyubova və Əməkdar İncəsənət Xadimi Hafiz Quliyev xanəndənin yaradıcılığı haqqında ətraflı məlumat veriblər. Tədbirdə, həmçinin akademik Vidadi Xəlilov, Xalq Artisti Canəli Ələkbərov, Əməkdar İncəsənət Xadimi Rafiq Sadıqov xanəndənin muğam ifaçılığı sənətinə töhfələrindən danışıblar.

Çıxışlarda Qulu Əsgərovun muğam dəstgahlarını yüksək peşəkarlıqla ifa etdiyi vurğulanıb. Qeyd edilib ki, Qulu Əsgərov həm də xalq arasında dillər əzbəri olan bir sıra mahnı və təsniflərin müəllifidir. Uzun illər Azərbaycan Dövlət Akademik Opera və Balet Teatrında solist kimi çalışıb. Məcnun, İbn-Salam, Kərəm, Aşıq Qərib, Şah İsmayıl obrazları ifaçının aktyorluq məharətinin nümunələrindəndir. Onun lent yazıları AzTV-nin Fondunda qorunur. Xanəndənin yetirmələri muğam sənətində nailiyyətlər qazanaraq, ustadın ənənələrini davam etdirirlər.

Qulu Əsgərov 1987-ci il iyunun 11-də Bakıda vəfat edib.

Tədbirdə tanınmış xanəndələr - Xalq Artisti Teyyub Aslanov, Əməkdar Artist Ehtiram Hüseynov, muğam müsabiqəsinin qalibləri Almaxanım Əhmədli, Mirələm Mirələmov və Rəvan Əlvanoğlu Qulu Əsgərovun mahnılarını səsləndiriblər. Onları Möhlət Müslümovun rəhbərliyi ilə Azərbaycan Televiziyası və Radiosunun Ə.Bakıxanov adına Xalq Çalğı Alətləri Ansamblı müşayiət edib.

# 1439 dəfə oxunub

Oxşar xəbərlər

Çexovu yaradan xalq yoxa çıxıb… - Fəxri Uğurlu

Çexovu yaradan xalq yoxa çıxıb… - Fəxri Uğurlu

09:00 10 may 2025
"Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı

"Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı

09:00 8 may 2025
Himnimizin əsl müəllifi kimdir? - Azər Turan

Himnimizin əsl müəllifi kimdir? - Azər Turan

15:00 5 may 2025
Alverçi, sinəzən, mərsiyəxan Cavid - Bunlar xatirə yox, xətadır!

Alverçi, sinəzən, mərsiyəxan Cavid - Bunlar xatirə yox, xətadır!

12:50 2 may 2025
"Ondan Allahın özü də qorxurdu..." - Mir Cəfər Bağırova yalvaran məşhur yazıçı

"Ondan Allahın özü də qorxurdu..." - Mir Cəfər Bağırova yalvaran məşhur yazıçı

09:00 1 may 2025
Perseyin papağı - Həmid Herisçidən yubiley hekayəsi

Perseyin papağı - Həmid Herisçidən yubiley hekayəsi

12:00 30 aprel 2025
# # #