Mozalan” kino jurnalı ən yaxşı bədii süjet ssenariləri müsabiqəsi elan edir.

Kulis.az- ın “Azərbaycanfilm”kinostudiyasının rəsmi saytına istinadən verdiyi xəbərə görə, müsabiqə noyabrın 15-dən dekabrın 31-dək keçiriləcək. Ən yaxşı ssenarilər ekranlaşdırılacaq, qaliblər 800-1000 manat qonorar alacaqlar.

Müsabiqənin şərttlərinə görə, ssenarilərin həcmi 2 çap səhifəsindən artıq olmamalıdır. İştirak etmək üçün yaş və dil məhdudiyyəti qoyulmayıb: "Müsabiqədə peşəkar dramatuqlarla yanaşı özünün bacarığına əmin olan, bizi əhatə edən həyatda gülməli əhvalatlar görüb, onları gülməli ssenari şəklinə salmağı bacaran digər şəxslər də iştirak edə bilər". Müsabiqəyə təqdim olunan ssenarilər müəlliflər tərəfindən ad və soyad göstərilməklə imzalanmalı və əlaqə telefonları qeyd edilməlidir. İştirakçılar müsabiqəyə bir və daha çox ssenari təqdim edə bilər.

Müsabiqəyə təqdim olunan işlər [email protected] elektron ünvanına və ya “Mozalan” studiyasının ünvanına göndərilir: Moskva pr.1, AZ1012, Bakı şəhəri.

Qaliblərin adları 2015-ci il yanvarın 15-dək www.azerbaijanfilm.az saytında və «Mədəniyyət» qəzetində açıqlanacaq.

• "Ölümündən bir il əvvəl sağollaşmışdı..." - Soyqırımı günü doğulan, terrorun qurbanı olan dahi
• Vaqif əvəzedilməz idi... - Kamal Abdulla
• Virtual qurbanvermə ayinləri, onlayn daş-qalaq - Qismət