Kulis.az məşhur yazıçı Çarlz Bukovskinin içki haqqında fikirlərini təqdim edir.

Özümə içki süzəndə niyə içdiyimin səbəbi barədə düşündüm. Pis bir hadisə baş veribsə unutmaq üçün, yaxşı bir hadisə baş veribsə qeyd etmək üçün içmək lazımdır. Yox əgər heç bir şey baş verməyibsə, dəyişiklik olsun deyə içərsiniz.

İçki içmək duyğusal bir işdir. Sizi gündəlik həyatın adiliyindən çıxarır, sizi bədəninizdən və zehninizdən uzaqlaşdırıb divara çırpır. İçki içməyin bir növ intihar olduğuna inanıram, lakin bu, elə bir intihar növüdür ki, səhər yenidən başlama şansımız olur. Özünü öldürüb yenidən doğulmaq kimi. Səhv etmirəmsə mən indiyə qədər 10, ya da 15 min həyat yaşamışam.

Pivəni tərgitməyin. Pivə damarda axan qandır. Pivə sonsuz sevgidir.

Əslində hamı içir, amma səbəbini bilmədən.

İçki aldığım mağazaları tez-tez dəyişirəm . Çünki gecə və gündüz çox miqdarda içki aldıqda mağaza satıcıları sizin simanızı unutmur. Bir müddət sonra onların mənim nə vaxt öləcəyim barədə düşünürlər və bu, məni narahat edir. Bəlkə də belə bir şey düşünmürlər, amma adam 300 gün içkili olsa, onda istər-istəməz qorxu yaranar.

Sərxoş olmaq gözəldir. Sərxoş olmağı hər zaman sevmişəm. Sərxoş olmaq sizi açıq və dəqiq olan hər şeydən uzaqlaşdırır, açıq və dəqiq ola bilmirsiniz.

Müalicə aldıqdan sonra belə içməyə təşəbbüs edirsiniz? İçməyə ən çox ehtiyac duyduğunuz zaman o zamandır.

İndi yeni siqaretlər yandırıb, daha çox içki tökürəm, gözəl bir mübarizə oldu - hələ də elədir.

• "Həm qəribə zövq aldım, həm də əsəbiləşdim..." - Hekayə müzakirəsi
• “Azərbaycan ədəbiyyatşünaslığı” jurnalının builki ilk sayı nəşr olundu
• Elçin Hüseynbəylinin kitablarının təqdimatı və imza günü keçirildi