Kulis.az "Bir şeir" müsabiqəsinə göndərilən şeirlərdən nümunələr təqdim edir.

Rahim Yüsübov

Söylə neynir can yoldaşım ?!

Söylə neynir can yoldaşım,
Nur üzündən gülüşləri,
Qısqanc-qısqanc deyişləri
Azalıbmı, itibmi
Mənsiz həyat onun üçün

Yox olubmu bitibmi.
Yoxsa xoşdur bu gün ona
Hər ürəyin sevgisi,
Yoxsa bilmir mənəm ona
Sevgisinin hərisi.
Düşündükcə ağarır,
Ağardıqca saçım başım,
Söylə neynir can yoldaşım?!

Söz dalğamı yetir ona
çırpın o sərt qayalara,
ləpələrlə bildir ona.
Keçmir ömür, keçmir həyat,
Qəflətdən sən onu oyat!
De ki mən bir bağ

sən isə gülüm,
həsrətdir sənə torpağım, daşım.
Söylə neynir can yoldaşım ?!

Zülmət otaq birdə şəm,
içki, siqar budur nəşəm.
Hər saatım, hər anım
özü ilə qəm gətirir.

Bağlıdır hər cığırı,
sənə gələn yolların.
Bir tək qalan xatirədir,
onunladamı vidalaşım ?!

Söylə neynir can yoldaşım?!
Bir bilsən gözəlim,
həyat necə sıxdı məni.
Yalqız gördü, tək gördü

amansızca yıxdı məni.
səsləndikcə arxadan
yetmədi ünüm sənə.
Çırpındıqca sözlə dolu
ürək dedi sağollaşım.

Son oldu nəfəsi, son oldu sözü
Söylə öldü can yoldaşın !

***

Elməddin Laçınlı

Ömrüm

Qaranlıq otaqda yanan şam kimi
Hər an damla-damla əriyir ömrüm.
Dizləri tutulmuş bir insan kimi
Sürünə-sürünə yeriyir ömrüm.

Çığırır səsinə hay verəni yox,
Oxu var atmağa yay verəni yox,
Yetimdir sevgidən pay verəni yox
Hönkürür ağlayır, kiriyir ömrüm.

Dindirir kamanın-tarın simini
Ovudur tarimar olan qəlbini.
Elə bil dünyanın bütün qəmini
Qatıb qabağına kürüyür ömrüm.

Gizlənir alnımın qırışlarında
Yorulur yolların yoxuşlarında.
İslanır payızın yağışlarında
Bahar günəşində quruyur ömrüm.

Boy atıb ulduza-aya çatsa da
Nə xeyri, gövdədən çürüyür ömrüm?!

***

İlham Rəsul

Səfillər padişah

Otağım çirk tutub...
Siçovullar yoldaşım..
Biraz bəxtsiz adamam,
özümə düşdü daşım.

Oboyum rütubətli,
ciyərim vərəm.
Otağımdan fərqli
hara gedə bilərəm?

Deyirlər ki kobudam,
xətir-hörmət bilmirəm.
Bunu deyənlərdən də
xətir-hörmət görmürəm.

Üzə dedim səhvlərin,
sən demə ki qələtdir.

Bu dostlara baxanda,
ölüm yaxşı sənətdir.
Çəkilmişəm bir küncə,
hüznüm candan pay alır.

***

Sahib Nazimhikmətoğlu

Tənhayam

Yenə də tənhayam yenə boş otaq,
Elə bil kimisə gözləyirəm mən.
Sevgilim qapıdan girəcək sanki,
Həsrətlə qapını izləyirəm mən.

Xəyallar dolanır başımın üstə,
O, qızın səsi də qulağımdadır.
Yeganə səs salan kiçik saatdır,
O, məni tək qoymur otağımdadır.

Mən özüm-özümdən küsmüşəm yenə,
Ürəyim yamanca xətrimə dəyib.
Həsrətin atəşi yandırıb məni,
Əyilməz qəddimi bu sevda əyib.

Bir qədər düşünüb kədərlənirəm,
Göz yaşım gözümdən inciyib gedir.
Düşür yanağımla aşağı bir-bir,
Sonra da quruyub öznü məhv edir.

İstəklər dükənir, arzular solur,
Bir anda bu dünya gözümdən düşür.
Mən canım dediyim canımı alır,
Qəlbimdə bu sevda gözümdən düşür.

Yazdığım şer də maraqsızlaşır,
Dediyim hər misra gözümdən düşür.

• Mühafizə olunan qədim kitabların sərgisi təşkil edilib
• Mağara axtarıram “yuvam” deyə biləcəyim - Şuntaro Tanikavanın şeirləri
• Aktyor Pol Til vəfat etdi