Heç kim doğulandan direktor, müdir olmur. O səviyyəyə çatmaq üçün minlərlə pillə qalxır, ağlınızdan da keçməyəcək işlərlə məşğul olurlar. Gəlin onlardan bəziləri ilə tanış olaq.

Maykl Dell – “DELL” şirkətinin qurucusu əmək fəaliyyətinə 12 yaşında qab yumaqla başlayıb. Sonralar kompüter istehsal edən şirkət qurub. O vaxtlar tək məqsədi pul kolleksiyası üçün lazımlı materiallar yığmaq imiş.

Terri Landqren – “Macy’s” - böyük mağaza zəncirinin baş direktorunun ilk işi kafedə istridyə təmizləmək olub. Ailəsinin onu oxutmaq imkanı olmadığına görə gənc yaşda işləməyə başlayan Landqrenin karyerası gözlədiyindən də uğurlu olub.

Lloyd Blenkfeyn – “Goldman Sachs”-ın baş direktorunun ilk işi isə “Yanki” stadionunda bilet satmaq olub. Sonra hüquq üzrə təhsil alıb və karyerasını qurub.

Uarren Baffett –maqnat Baffett 2008-ci ildə ilin ən varlı insanları siyahısına düşsə də, uşaqlığı heç də yağ-bal içində keçməyib. O, əmək fəaliyyətinə marketdə çanta daşımaqla, qəzet satmaqla başlayıb.

Maykl Blumberq – “Bloomberg”in yaradıcısı hazırda Amerikanın ən varlı 8-ci insanıdır. Nyu-Yorkda Bələdiyyə başçısı olan Blumberq avtodayanacaqda köməkçi kimi işə başlayıb.

Marissa Meyer – “Yahoo”nun baş direktoru marketdə kassa nəzarətçisi işləyib.

Kevin Plank – “Under Armour” – Amerikanın ən böyük idman geyimləri və əşyaları mağazasının baş direktoru Plank uşaq vaxtı çəmənlikləri biçməklə pul qazanırmış.





Kazuo Hirai – “Sony” şirkətinin baş direktoru isə ölkəyə gələn xarici musiqi qruplarının tərcüməçisi imiş.

• Həyat yoldaşım Nigar yazmışdı ki... - Rəsul Rzanı kim aldatmışdı?
• Əyləncəli verilişlərin yayımı dayandırıldı
• Leonardo Di Kaprio da "Kalmar oyunu"nda çəkiləcək?