Ay quzu otaran balaca Ənvər... – Günün şeiri

Ay quzu otaran balaca Ənvər... – Günün şeiri
8 iyun 2020
# 14:32

Kuliş.az “Günün şeiri” layihəsindən Ənvər Rzanın “Nə yaxşı görüşdük” şeirini təqdim edir.

Kəndin hər nemətdən yenə var payı –
Qayanın kəkotu, dağın qar payı...
Uzanıb yatdığım çəmən çarpayı,
Nə yaxşı görüşdük, nə yaxşı yenə!

Xəyalım buludtək burdan ötəndir,
Soruş: “Saçındaki bu dən nədəndir?”
Yanmayıb qəlbimi yandıran təndir,
Nə yaxşı görüşdük, nə yaxşı yenə!

Hər yan cənnət olar, qəşəng baxsalar,
Bağban can yandırsa, qəşəng bağ salar.
Ay qəşəng həyətlər, qəşəng baxçalar,
Nə yaxşı görüşdük, nə yaxşı yenə!

Bu da “yehərləyib” mindiyim boz daş...
Kövrəlmə, ürəyim, tab gətir, tablaş.
Ömrümün ləzzəti a köhnə dam-daş,
Nə yaxşı görüşdük, nə yaxşı yenə!

Vurğundur bu yala, yamaca Ənvər;
Meyl edər yarpıza, umaca Ənvər!
Ay quzu otaran balaca Ənvər,
Nə yaxşı görüşdük, nə yaxşı yenə!

# 2994 dəfə oxunub

Oxşar xəbərlər

Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
Üstünə bağırdığım tək kişi – Qadın şairlərimizdən seçmə şeirlər

Üstünə bağırdığım tək kişi – Qadın şairlərimizdən seçmə şeirlər

12:00 8 mart 2025
Mən sənə əlvida demirəm, Niyazi...  - Kamal Abdulla

Mən sənə əlvida demirəm, Niyazi... - Kamal Abdulla

14:05 2 mart 2025
"Ya Rusiya ilə birgə, ya da..." - Rəsulzadənin partiyadan çıxartdığı azərbaycanlı

"Ya Rusiya ilə birgə, ya da..." - Rəsulzadənin partiyadan çıxartdığı azərbaycanlı

15:22 27 fevral 2025
# # #