Qan Turalı yazır…
Biz yeni bir həyata başlamışdıq.
Yeni xəyallar arxasındaydıq.
Yeni duyğular kəşf etmişdik
Amma adını qoya bilmirdik.
Əski dünya bütün xarabalığı ilə arxamızda qalmışdı.
Bütün duyğular yenidən doğulmuş, zaman dəyişmişdi.
Aqşin gəldi və biz Aqşinin şeirləri ilə sevməyə başladıq.
Aqşinin şeirləri ilə darıxdıq.
Əzab çəkdik.
Tənha adamın hekayəsini Aqşinin şeiriylə yaşadıq.
Onun şeirləri ilə “kənd”ə getdik.
“Şəkil”lərə baxdıq.
Darıxmağa ithaf olan ömürlərimizə məna gəldi.
Həyatımıza şeir gəldi.
Küçəmizə şeir gəldi.
Və Aqşinin arxasınca küçələrimiz şeirlə doldu.
Bu gün Aqşin 37 yaşa keçdi.
57-yə də keçəcək, Musa Yaqubun qoşa dəryaz dediyi 77-yə də.
Həmişə bizimlə olacaq, həmişə şeirlə olacaq, həmişə heyrətləndirəcək, həmişə ad qoya bilmədiyimiz duyğularımızın Dədə Qorqudu olacaq.
